Dario Haruni debuton në festivalin ‘Zurich Shqip Up Comedy’: Një natë humori dhe batutash në Zvicër

Aktori i talentuar, Dario Haruni, do të jetë një nga performuesit kryesorë në edicionin e sivjetmë të festivalit të njohur të komedisë, “Zurich Shqip Up Comedy”, i cili do të mbahet në Zvicër më 18 dhe 19 tetor 2024.

Haruni, i njohur për rolet e tij në teatër dhe kinematografi, do të performojë për herë të parë në këtë festival, duke sjellë humorin dhe batutat e tij të freskëta për publikun shqiptar në diasporë. Ai do të ngjitet në skenë në natën e parë të festivalit, më 18 tetor, në sallën e njohur “Stadthalle Dietikon” në Cyrih.

Në një mesazh humoristik dhe të ngrohtë për fansat e tij, Dario Haruni shprehet: “Tungjatjeta bashkëkombas! Quhem Dario Haruni, jam njëzet e shtatë vjeç, kam një bacë që lë në regji filmi dhe televizioni. Kam një master shkencor në psikologji komunitare ose thënë shqip, fukara jam dhe unë, thjesht fukara me dy fakultete, ama fukara që pëlqej të bëjë gjëra të bukura si kinemaja dhe komedia. Si ndihem që do performoj në Zvicër për herë të parë? Ndihem tmerrësisht i nderuar. Dhe ndihem tmerrësisht i tmerruar sepse i thonë Zvicër, një vend i njohur për cilësi dhe standarde shumë të larta. Më datat tetëmbëdhjetë dhe nëntëmbëdhjetë tetor, ora shtatë e mbrëmjes, në shtatë hallet, vjet i kanë, do të dëshmoni me shij sa t’tuaja nëse jam i mprehtë dhe multifunksional si një thikë zvicerane, i saktë dhe i fortë si një orë, dhe i ëmbël apo i idhët si një çokollatë. Qysh!”.

View this post on Instagram

A post shared by ShqipUpFestival (@shqipupfestival)

Ky mesazh plot humor dhe autoironi e tregon qartë karakterin e veçantë të Harunit, i cili di të përçojë batuta të zgjuara dhe për të bërë për vete publikun me energjinë e tij pozitive.

Festivali “Zurich Shqip Up Comedy” këtë vit do të zhvillohet për herë të parë në dy netë, ku publiku do të ketë mundësinë të shijojë humorin e aktorëve të njohur shqiptarë, të cilët do të sjellin në skenë batuta dhe momente komike nga përditshmëria jonë.

Përveç Dario Harunit, festivali do të mirëpresë edhe shumë artistë të tjerë të humorit shqiptar. Biletat për festivalin janë tashmë në shitje, dhe ju mund t’i siguroni ato duke klikuar këtu.

Mos e humbisni mundësinë për të qeshur me aktorët tuaj të preferuar në një event që premton shumë të qeshura dhe argëtim! /Telegrafi/