Pas një zënke vrau partneren dhe e varrosi nën tulla e beton në tarracë, mirëmbajtësi i apartamentit e gjeti pas 16 viteve – policia jugkoreane arreston burrin

Një burrë në Korenë e Veriut ka pranuar se ka vrarë të dashurën, trupin e të cilës e fshehur në beton – pasi 16 vite më parë ishte raportuar si e zhdukur.

Burri në të 50-at, i tha policisë se e kishte goditur gruan me një objekt të mprehtë gjatë një mosmarrëveshje që e kishin pasur në apartamentin e tij në qytetin jugor Geoje, transmeton Telegrafi.

Ai më pas e kishte vendosur trupin e saj të pajetë në një valixhe – që e varrosi nën një shtresë me tulla dhe beton në tarracën e tij.

Atje qëndroi deri muajin e kaluar, kur një punonjës i mirëmbajtjes së apartamente zbuloi trupin derisa po gërmonte.

Trupi ishte prishur pjesërisht – ndërsa një pjesë ishte ruajtur mirë që kishte mbetur në valixhe, kurse bazuar në gjurmët e gishtërinjve është konstatuar identiteti i saj.

Në rezultatet e autopsisë së kryer thuhet se ajo ndërroi jetë nga goditjet me mjet të mprehtë në kokë.

Në anën tjetër, policia e quajnë vrasësin zotëria A, i cili nuk jetonte në apartament kur u gjet trupi, por shpejt u lokalizua nga policia dhe u arrestua.

Ai i tha policisë se kishin jetuar së bashku për pesë vite në Geoje, para se të kishin një grindje në tetor të vitit 2008 që kulmoi me goditjet me mjetë të mprehtë.

Më pas e kishte futur në një valixhe nën një shtresë me tulla e beton në tarracën e apartamentit – që mund të kishte qasje në të vetëm përmes dhomës së gjumit.

Ai kishte vazhduar jetën në atë apartament për tetë vite tjera, por u arrestua më 2016 për posedim të lëndëve narkotike. /Telegrafi/