Gashi: Interpelanca ndaj meje është dorëzuar nga një parti albanofobe
Kryetari i Kuvendit Afrim Gashi, në seancën e sotme në të cilën në rend dite është interpelanca ndaj tij, mbajti fjalim duke thënë se “çdo bartës i funksionit shtetëror duhet të jetë mësuar të japë llogari për veprimet e tij, por secili duhet, gjithashtu, të jetë i gatshëm edhe të dëgjojë”.
Gashi në fjalimin e tij tha se interpelanca ndaj tij e dorëzuar nga partia “E Majta” ka qëllime dhe motive ideologjike.
“E Majta është partia që ideologjikisht, me aspektin e vet social, duhet të bashkojë dhe ta ushqejë popullin me idenë e barazisë. Kështu është teoretikisht, por, për fat të keq, në realitet është partia që shumë shpesh me qëndrimet e saj profilizohet në ekstremin e djathtë. Nuk po flasim këtu që pikërisht lëvizjet e tilla ideologjike në të kaluarën kanë prodhuar pamje dhe kujtime të errëta për mbarë botën. Ideologji në teori dhe krejtësisht tjetër në praktikë është diçka që nuk i shpreh motivet e vërteta të përfaqësuesve të kësaj partie. Të jesh i zëshëm, të jesh i dukshëm, është plotësisht legjitime, por të krijosh përçarje në një vend ku të gjithë luftojmë për barazi është keq për vendin dhe për rininë që nuk duhet të entuziazmohet me patriotizmin e rremë të mbështjellë me kuazi-nacionalizëm”.
“Ne të gjithë flasim me zë të lartë për BE-në, qytetarët flasin për bashkëjetesën, të gjithë themi se jemi këtu bashkë në të mirë e në të keqe, ndërsa vetëm kjo parti flet kundër tre shtyllave themelore të shoqërisë sonë – orientimin tonë euroatlantik, përkushtimin tonë për marrëdhëniet e mira fqinjësore dhe përkushtimin tonë për harmoninë ndëretnike. Është shumë keq kur luan me kartën e nacionalizmit, të gjykimit të tjetrit, pa i dëgjuar të gjitha faktet dhe argumentet. Por, sot jam këtu që nga kjo foltore ta shpreh qëndrimin tim. Investimi për të ardhmen e këtij vendi, ku dikush dëshiron ndarje me çdo kusht, mund të përfundojë me pasoja fatale për të gjithë ne”.
“Për këtë arsye ky është investim shumë i lartë për t’u injoruar. Nuk nevojitet kuptim i thellë i politikës për të parë se ata që e kundërshtojnë rrugën tonë euroatlantike, që i prishin marrëdhëniet tona me vendet fqinje dhe që e rrezikojnë kohezionin tonë të brendshëm etnik, në fakt punojnë kundër vetë ekzistencës së vendit tonë”, tha Gashi mes tjerash.
Ndryshe, deputetët e OBRM-PDUKM-së dhe Frontit Europian kanë thënë se nuk do ta mbështesin interpelancën ndaj Afrim Gashit./Telegrafi/
Promo
Reklamo këtuLufta Prigozhin - Putin
Më shumëGjuajta me armë në Prishtinë, Policia jep detaje
Gjuajtje sërish me armë në “Aktash” të Prishtinës
Arrestimi i shtetasit të Kosovës që dyshohet se menaxhonte rrjetin financiar të Mossadit – Turqia kërkon informata nga Ministria e Drejtësisë
Shea: Kosova të angazhohet plotësisht në dialog, ndonëse procesi mund të jetë zhgënjyes
“Do të marrësh plumb në kokë”, kërcënohet me jetë kryetari i Zubin Potokut nga një person që thotë se është oficer i MUP-it
“Mosmarrëveshje të mëparshme e qërim hesapesh”, çfarë thuhet në Dosjen e Prokurorisë për vrasjen në "Aktash" të Prishtinës?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Publikohen pamjet e reja të Titanikut - anija e famshme po kalbet në fund të oqeanit
Historiku i përleshjeve Capat-Sekiraqa, që përfundoi me viktima
Indiania e dërgoi djalin në spital sepse gëlltiti një çelës - mjekët e tronditur zbuluan se ai kishte ngrënë edhe disa objekte metalike
Real Madridi kishte vetëm dy objektiva të tjerë në verë - kishte arsye të forta pse u tërhoq
Çfarë tregojnë historitë e zëvendëspresidentëve për shanset e Kamala Harrisit?
Finlanda do të zgjidhë një nga sfidat më të mëdha të njerëzimit