Një influencuese në TikTok rrëfen përvojën e hidhur me dizajnerin Valdrin Sahiti: Më gënjyen e mashtruan, kam qarë gjithë ditën

Një influencuese në TikTok, Sahar Khorram, e njohur përmes llogarisë ‘sistalkswithsahar’, ka ndarë një rrëfim me ndjekësit përmes kësaj platforme.

Ajo ka treguar përvojën e saj jo të mirë me dizajnerin e njohur nga Kosova, Valdrin Sahiti.

Në një video të publikuar, thotë se i ka parë gjithandej fustanet e Sahitit dhe për këtë ka vendosur që dy të tillë t’i realizojë për martesë.

@sistalkswithsahar Sharing this so that no one else ends up in my position 😭 @valdrinsahiti ♬ original sound – Sahar Khorram

E njëjta ka kontaktuar me stafin e stilistit në rrjete sociale dhe se kanë rënë dakord që fustanet t’ia sjellin më 5 gusht, tri javë përpara ceremonisë së dasmës.

Megjithatë, kjo gjë nuk u realizua.

Lexo po ashtu Të gjitha lajmet nga Valdrin Sahiti

“Të merresh me këta njerëz tash e një muaj e gjysmë ka qenë e tmerrshme dhe ata janë përgjegjës për krijimin e dy fustaneve të mia. Është një javë para dasmës dhe nuk i kam akoma”, ka thënë ajo.

Bukuroshja tutje theksoi: “I kam kontaktuar këta njerëz më 1 qershor dhe i kam pyetur nëse fustanet do të jenë gati në fund të korrikut, dasma ime do të jetë fundjavën e 30 gushtit dhe 1 shtatorit dhe kam menduar se do kem një muaj të tërë që nëse diçka shkon keq, sepse gjithmonë llogaris për diçka që mund të shkojë keq. Ata më thanë se nuk mund të m’i dërgojnë fustanet deri më 5 gusht. Thashë “e di çfarë? Është në rregull, janë ende tri javë kohë dhe për aq kohë që i marrë më 5 gusht, jam mirë”, rrëfeu ndër të tjerash Sahar.

Një javë para datës së saktë, ajo ka biseduar sërish me ekipin dhe i është thënë se nuk janë ende gati.

Tutje, Khorram pretendon se janë sjellë keq me të dhe se e kanë gënjyer e manipuluar.

@sistalkswithsahar♬ original sound – Sahar Khorram

Më pas, i është thënë të paguajë një postë të shpejtë në mënyrë që fustanet të arrijnë në kohë.

Sahar e revoltuar ka debatuar me ta duke thënë që shërbimin duhet t’ia kryejnë, pavarësisht që në fund i shtoi edhe 400 dollarë, vetëm që t’i ketë në kohë.

@sistalkswithsaharMy dress saga chapter 925.♬ original sound – Sahar Khorram

Fustanet më pas ia dërguan në Los Angeles dhe ka qenë një mike i saj që ia ka sjellë në Paris.

Përkundër masave trupore që ia kishte dërguar, ajo thotë se iu desh të intervenonte sërish me ndihmën e një miku të saj, gjithashtu dizajner.

@sistalkswithsahar We are almost at the end of the road thanks to @Dieylane Cisse ♬ original sound – Sahar Khorram

Këtë Sahar e ka cilësuar si një përvojë të hidhur, madje shpenzoi edhe një shumë të madhe parash. /Telegrafi/

@sistalkswithsahar Back with our bestie to design the last dress before the reveal @Dieylane Cisse ♬ original sound – Sahar Khorram