LAJMI I FUNDIT:

Mbeti në shkëmbinj për shkak të dallgëve në Sarandë, shpëtohet turistja nga Ukraina

Mbeti në shkëmbinj për shkak të dallgëve në Sarandë, shpëtohet turistja nga Ukraina

Policia Kufitare dhe Njësia Policore Detare në Sarandë i dhanë ndihmë një turisteje nga Ukraina që kishte mbetur në disa shkëmbinj gjatë notit dhe nuk mund të kthehej në breg për shkak të dallgëve.

Pas njoftimit nga një shtetas ukrainas, i cili ishte shqetësuar pasi bashkëshortja e tij kishte hyrë për të notuar në plazhin e Pasqyrave, Manastir dhe nuk po kthehej në breg, Shërbimet e Policisë Kufitare dhe Njësia Policore Detare në Sarandë u nisën menjëherë drejt vendit të dhënë dhe organizuan veprimet së bashku me patrullat tokësore.

Si rezultat i këtyre veprimeve, u lokalizua shtetasja ukrainase në veri të plazhit Pasqyrat, e cila kishte mbetur në disa shkëmbinj dhe nuk mund të vijonte të notonte për të dalë në breg për shkak të motit të keq.


Shërbimet e Policisë ndihmuan dhe nxorën në breg turisten ukrainase në gjendje të mirë shëndetësore.

Sipas policisë, ajo dhe bashkëshorti i saj falënderuan shërbimet e Policisë për reagimin e menjëhershëm dhe profesionalizmin e treguar.

Policia Kufitare u bën thirrje pushuesve që të jenë të kujdesshëm në kushte të motit të keq dhe dallgëve të forta, duke shmangur rreziqet e panevojshme.

Po ashtu, u rekomandon drejtuesve të mjeteve lundruese të jenë veçanërisht të vëmendshëm gjatë lundrimit për të garantuar sigurinë e të gjithëve. /Telegrafi/

Në trend Lajme

Më shumë
Doli në transmetim direkt me bluzën e Serbisë, gazetari: Kërkoj ndjesë, kam lënduar nëna fëmijësh të vrarë

Doli në transmetim direkt me bluzën e Serbisë, gazetari: Kërkoj ndjesë, kam lënduar nëna fëmijësh të vrarë

Prokuroria jep detaje për vrasjen në Prishtinë, dyshohet se motivi ishin problemet familjare

Prokuroria jep detaje për vrasjen në Prishtinë, dyshohet se motivi ishin problemet familjare

Vrasja e rëndë në Prishtinë, Policia: Janë gjetur 10 gëzhoja dhe katër predha

Vrasja e rëndë në Prishtinë, Policia: Janë gjetur 10 gëzhoja dhe katër predha

Kosova përfiton grantin nga USAID-i në vlerë prej 34.5 milionë dollarësh, Osmani: SHBA-të mbeten një partner i palëkundur i popullit të Kosovës

Kosova përfiton grantin nga USAID-i në vlerë prej 34.5 milionë dollarësh, Osmani: SHBA-të mbeten një partner i palëkundur i popullit të Kosovës

Vrau kunatin me armë zjarri në Prishtinë - vetëdorëzohet dorasja

Vrau kunatin me armë zjarri në Prishtinë - vetëdorëzohet dorasja

Peci: Sistemi i drejtësisë ia bllokon shtetit kthimin e pronës publike në Ulpianë

Peci: Sistemi i drejtësisë ia bllokon shtetit kthimin e pronës publike në Ulpianë

Kalo në kategori