Një nënë tregoi një truk për të hequr lehtësisht rërën nga lëkura: Ajo thotë se nuk shkon në plazh pa këto dy gjëra

Një nënë tregoi një truk për të hequr lehtësisht rërën nga lëkura e një fëmije dhe ngazëlleu shumë njerëz

Plazhet me rërë janë të shkëlqyera për fëmijët, sepse ata mund të luajnë në rërë, gjë që është gjithashtu e shkëlqyeshme për zhvillimin e tyre, por nënat e dinë se sa e vështirë mund të jetë ndonjëherë të pastroni gjithë atë rërë nga lëkura e një fëmije.

Mami Danielle Houston ka postuar në rrjetet sociale një truk që e ndihmon të heqë lehtësisht rërën nga lëkura e të vegjëlve.

Këshillat e saj u pëlqyen shumë, ndërsa disa të tjerë e konsiderojnë atë “krejt të panevojshme”, transmeton Telegrafi.

“Unë kurrë nuk shkoj në plazh pa këto dy gjëra – pudër për bebe dhe çorape. Nuk e di nëse e njeh ndjesinë kur përpiqesh të heqësh rërën e lagur nga lëkura, por disi ajo gërvisht dhe dhemb. Ky është një nga truket më të mira që kam mësuar për heqjen pa dhimbje të rërës nga lëkura e një fëmije”, thotë ajo në video, më pas derdh pluhurin e bebes në çorape dhe lidh një nyjë për ta “mbyllur”, të cilin më pas e fillon ta përdorë për të fshirë rërën nga këmbët dhe krahët e vogëlushit.

“Kjo është më mirë nëse rëra është e lagur dhe e ngjitur në lëkurën e tyre. Më pas vendosni pak pudër për fëmijë mbi rërë në mënyrë që të thahet dhe pastaj largohet shumë lehtë”.

 original sound – dani houston | mom life+finds

Disa nëna ishin të kënaqura me trukun, shumë thonë se e kanë provuar tashmë dhe se me të vërtetë ndihmon.

“Kam dëgjuar për këtë para disa vitesh, me të vërtetë funksionon”. “Mirë, ky është një truk vërtet i shkëlqyeshëm”, shkruajnë ata, por kishte edhe ata që menduan se truku është i panevojshëm.

“Vetëm lajeni rërën në dush”, “Çfarë humbje parash, plus pluhuri i bebeve do ta ndot më tej plazhin”, “Unë përdor një lëng të quajtur ujë – funksionon shkëlqyeshëm”, shkruajnë lexuesit, megjithëse dikush shtoi se kjo nënë e di që rëra mund ta lajë me ujë, por problemi është se ajo qëndron në lëkurë derisa të arrish nga dushi te peshqiri ose shezlongu. /Telegrafi/