Atleti amerikan fitoi medaljen e argjendtë pasi finalistët refuzuan që ta ndanin së bashku të artën

Ylli amerikan i kërcimit së larti Shelby McEwen, ka fituar medaljen e argjendtë pasi ai dhe Hamish Kerr i Zelandës së Re, e refuzuan mundësinë që ta ndanin medaljen e artë olimpike.

Eventi i kërcimit së larti në Lojërat Olimpike është gjithmonë një garë e ngushtë dhe e tillë ishte edhe kësaj radhe, me Kerr dhe McEwen që u ndanë baras me 2.36 metra në finalen e Parisit.

Shumë njerëz kujtojnë kohën kur Mutaz Barsham i Katarit dhe Gianmarco Tamberi i Italisë regjistruan rezultatin e njëjtë prej 2.37 metrash në Lojërat Olimpike ‘Tokio 2020’, por që të dy ishin pajtuar ta ndanin së bashku medaljen e artë.

Ky moment ishte përmendur si një ndër më të veçantit gjatë atij edicioni të Lojërave Olimpike.

“Can we have two golds?” 🥇🥇

An ICONIC moment three years ago at Tokyo 2020 in the high jump! #Athletics pic.twitter.com/r9XFcxy8AE

— The Olympic Games (@Olympics) August 10, 2024

Edhe kësaj radhe, McEwen dhe Kerr u përballën me të njëjtin vendim, por që u pajtuan me një rezultat krejtësisht ndryshe.

Vendimi ishte marr që dyshja kishin kërcyer 2.36 metra në tentimin e parë, por pastaj kishin dështuar në tri të tjerat ndonëse me një rritje të rezultatit prej 2.38 metrash

Por pasi Kerr humbi mundësinë e tij të fundit në 2.38 metra, ai e kishte një diskutim me McEwen para se dyshja të vinin në një përfundim.

Dy atletëve iu dha edhe nga një mundësi për të kërcyer, deri në momentin kur metrat e njërit prej tyre bien dhe ai fiton.

What a night!!! Shelby McEwen takes Silver #RTR pic.twitter.com/HNs8HNMQgb

— Holly Rowe (@sportsiren) August 10, 2024

Në këtë aspekt Kerr ishte më i mirë duke siguruar medaljen e artë me një rezultat prej 2.34 metrash para McEwen.

Kina momentalisht po udhëheq tabelën si lider me më së shumti medalje të arta të fituara (39), duke lënë mbrapa SHBA-të me një më pak (38).

Sot (e diel) zhvillohet dita e fundit e Lojërave Olimpike dhe në rast se të dyja shtetet përfundojnë me numër të barabartë të medaljeve të arta, atëherë SHBA-ve do t’i ipet përparësi për shkak se kanë më shumë medalje të fituara në përgjithësi./Telegrafi/