Kujdes nga dy “ukrainasit”! Si i vodhën mijëra euro në pikën e këmbimit në Shkodër

Një grabitje është denoncuar nga një pikë e këmbimit valutor në qytetin e Shkodrës, pronarët e së cilës kanë ngritur alarmin për dy shtetas që prezantohen si ukrainas dhe kryejnë vjedhje.

Sipas denoncimit të tyre, dy shtetasit e huaj kanë vjedhur një shumë të konsiderueshne eurosh në pikën e shërbimeve në Shkodër pasi fillimisht kanë kërkuar këmbimin e një shume të konsiderueshme.

Pasi kanë kërkuar shumë e parave në euro, punonjësi në këtë pikë shërbimesh i ka bërë gati eurot të ndara në dy zarfe duke qëndruar në pritje që dy të huajt ti dorëzonin kartëmonedhat që do këmbenin.

Përpara se të largoheshin dy shtetasit e prezantuar si ukrainas mësohet se kanë ndërruar zarfet duke marrë ato me euro dhe duke lënë dy zarfe të mbushura, por që brenda nuk kishin para.

Policia e Shkodrës sapo ka marrë denoncimin ka kryer këqyrjen e kamerave të sigurisë edhe në rrugët e qytetit për të bërë të mundur gjetjen dhe identifikimin e dy të huajve që realizuan vjedhjen.

Ndërkohë në pamjet që pika e shërbimeve ka shpërndarë online duken qartazi fytyrat e dy hajdutëve që vodhën sasinë e konsiderueshme të eurove.