Temperaturat e tokës në pjesë të mëdha të shtresave të akullit të Antarktidës janë rritur mesatarisht për 10 gradë Celsius mbi normale gjatë muajit të kaluar, në atë që është përshkruar si një valë të nxehti gati rekord.
Globi ka përjetuar 12 muaj ngrohtësi rekord, me temperatura që tejkalojnë vazhdimisht rritjen 1.5 gradë Celsius mbi nivelet paraindustriale që është cilësuar si kufiri për të shmangur më të keqen e ndryshimeve klimatike.
Michael Dukes, drejtori i parashikimeve në MetDesk, tha se ndërsa temperaturat e larta ditore ishin befasuese, shumë më domethënëse ishte rritja mesatare gjatë muajit.
Bëhet e ditur se shkencëtarët kanë parashikuar prej kohësh se efektet më të rëndësishme të ndryshimeve klimatike antropogjene do të ishin në rajonet polare.
“Në Antarktidë përgjithësisht ajo lloj ngrohjeje në dimër dhe vazhdimi i saj në muajt e verës mund të çojë në shembjen e shtresave të akullit”, tha Dukes.
Zeke Hausfather, shkencëtar hulumtues në Berkeley Earth, tha se vala e të nxehtit të Antarktidës “ka qenë padyshim një nga nxitësit më të mëdhenj në rritjen e temperaturave globale në javët e fundit”, shkruan the Guardian, përcjell Telegrafi.
“Antarktida në tërësi është ngrohur së bashku me botën gjatë 50 viteve të fundit. Por është e sigurt të thuhet se pjesa më e madhe e rritjes në muajin e fundit u shkaktua nga vala e të nxehtit”, tha Hausfather.
Vala e të nxehtit është e dyta që godet rajonin në dy vitet e fundit, me e fundit, në mars të vitit 2022, që çoi në një rritje prej 39 gradë Celsius dhe shkaktoi rënien e një pjese të shtresës së akullit me madhësinë e Romës.
Temperaturat e rritura të Antarktidës pasojnë një El Nino veçanërisht të fortë, fenomenin klimatik që çon në ngrohje në mbarë botën dhe ka të ngjarë të jetë gjithashtu një efekt vonesë i kësaj, në kombinim me rritjen e përgjithshme të temperaturave të shkaktuara nga ndryshimet klimatike.
Jamin Greenbaum, gjeofizikan në Institutin Scripps të Oqeanografisë të Universitetit të Kalifornisë, San Diego, tha se ai ishte “i shqetësuar për atë që e pret rajonin në vitet në vijim”.
“Shumica e ekspeditave të mia në terren kanë qenë në Antarktidën Lindore, ku kam parë shkrirje në rritje me kalimin e viteve”, tha Greenbaum.
“Edhe pse sigurisht jam i alarmuar, gjithashtu nuk jam i befasuar duke pasur parasysh që ky është fatkeqësisht një rezultat i pritshëm i ndryshimit klimatik”, shtoi ai.
Ndërkohë, Jonathan Overpeck, shkencëtar klimatik në Universitetin e Michiganit për Mjedisin dhe Qëndrueshmërinë, tha se vala e të nxehtit ishte një “shenjë se ndryshimi klimatik ka filluar të transformojë vërtet planetin”.
Edward Blanchard, shkencëtar atmosferik në Universitetin e Uashingtonit, tha se ky lajm është një ngjarje gati rekord.
“Ka të ngjarë që të kesh më pak akull deti dhe një Oqean Jugor më të ngrohtë rreth kontinentit të Antarktidës”, tha Blanchard.
Jonathan Wille, studiues i shkencave klimatike në ETH Zürich, një universitet kërkimor publik në Zürich, Zvicër, tha se vala e të nxehtit i atribuohet një “ngjarjeje të ngrohjes stratosferike jugore” në rajon.
Ndonëse “duket se ka valë të nxehta gjithnjë e më të shpeshta në kontinent”, Wille tha se ende nuk ishte e qartë se sa faktor ka qenë kriza klimatike në krijimin e kësaj ngjarje të veçantë. /Telegrafi/
Lufta Prigozhin - Putin
Më shumëDisa ditë pas vrasjes së liderit të Hamasit, reagon Biden
Shikoni se si zjarrfikësit kroatë kalojnë përmes zjarrit
Ukrainasit sulmojnë rafinerinë më të madhe të naftës në Rusi
Hungaria thjeshton procedurat e vizave dhe kontrollet e sigurisë për qytetarët nga Rusia dhe Bjellorusia, Brukseli i kërkon llogari
Trump ia sulmoi identitetin racor, vjen reagimi i Harris dhe bashkëshortit të saj
Temperaturat në Antarktidë rriten për 10 gradë Celsius mbi mesataren - a do të çojë ky ndryshim në shembjen e shtresave të akullit?
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
MPB e Maqedonisë me sqarim rreth skandalit me Presidenten Osmani në Aeroportin e Shkupit
"Sigurimi tentoi t'ia merrte telefonin presidentes Osmani", Presidenca sqaron incidentin në Aeroportin e Shkupit
Hezbollahu thotë se lëshojë gati 60 raketa Ketyusha drejt Izraelit
Pas skandalit në Aeroportin e Shkupit ndaj presidentes Osmani, Aleanca për Shqiptarët: Të kërkojnë falje prej kryeministrit deri te ata që u përfshinë
Si u krijua skena për shkëmbimin më të madh të të burgosurve që nga Lufta e Ftohtë
Tentuan t’ia inskenojnë ikjen drejt Shqipërisë që ta vrasin më pas, Koci rrëfen si u organizua ngjarja nga shqiptarët e UDB-së