Po akuzohet si transgjinor, publikohen disa fotografi të Imane Khelif si fëmijë që sqarojnë gjithçka rreth gjinisë së saj

Situata e boksieres algjeriane, Imane Khelif, është bërë tema më e përfolur në Lojërat Olimpike ‘Paris 2024’, pasi ka dyshime mbi gjininë e saj, por duket se tashmë gjithçka është sqaruar.

Edhe para se të fillonte turneu i boksit në Lojërat Olimpike, një pjesë e publikut u zemërua sepse dy gra me testosterone të tepërta u lejuan të luftojnë në Paris. Ato janë 28-vjeçarja Lin Yu-Ting nga Tajvani dhe 25-vjeçarja Imane Khelif nga Algjeria.

Ato nuk janë transgjinorë, ato identifikohen si gra. Por, ato gjithashtu kanë nivele të larta të testosteronit. E ndërsa performanca e tajvanezes ende pritet, algjeriania ka pushtuar mediat pas luftës së djeshme (e enjte).

Italiania Angela Carini ia dorëzoi meçin pas vetëm gjysmë minute luftë. Pas një goditjeje nga algjeriania, Carini kërkoi që t’i riparohej helmeta e saj mbrojtëse.

Pas një goditje tjetër, ajo shkoi në këndin e saj dhe kërkoi të ndalonte luftën. Pasi u ndërpre, Carini u gjunjëzua dhe qau.

“Kjo nuk është një humbje për mua. Është një sukses i madh të hysh në atë ring. Por, kur ajo më goditi për herën e dytë, unë nuk mund të merrja më frymë. Pavarësisht gjithçkaje, ishte një nder për mua të performoja në Lojërat Olimpike”, ka thënë Carini pas meçit kundër algjerianes të cilën shumë e përshkruajnë si një boksier kontrovers.

Khelif nuk u lejua të luftonte në Kampionatin Botëror

Arsyeja për këtë është se ajo, ashtu si kolegia e saj tajvaneze, u ndalua nga Kampionati Botëror, pasi nuk i plotësonte kushtet për të garuar në garën e femrave.

Imane Khelif dhe Lin Yu-ting u s’kualifikuan nga Kampionatin Botëror i Femrave 2023 sepse testet “provuan se kishin kromozome XY”, shpjegoi Shoqata Ndërkombëtare e Boksit (IBA).

Por, me faktin se IBA nuk drejton ngjarjen olimpike të boksit në Paris, Komiteti Olimpik Ndërkombëtar konfirmoi se ishte i lumtur që të dy luftëtaret mund të konkurronin sipas rregullave më pak të rrepta të përshtatshmërisë gjinore që ishin në fuqi për Lojërat e Tokios 2020.

Komiteti Olimpik Algjerian është i zemëruar për ndjekjen e boksieres së tyre dhe të zemëruar janë edhe bashkatdhetarët e saj.

Një nga ata që përpiqet të dëshmojë se gjithçka është e rregullt është gazetari algjerian Youcef Zaghba, i cili postoi tre foto në Instagram që sipas tij e shfaqin Khelifin si një vajzë të vogël.

Ai e quajti atë një heroinë algjeriane dhe kërkoi që të shpërndaheshin në rrjetet sociale. Shumë shpejt ato filluan të shpërndaheshin në rrjetin social X (ish-Twitter). /Telegrafi/

A WOMAN she was she is and she will be forever
due to the misinformations that spread accusing IMANE KHELIF this MUSLIM GIRL for being TRANSGENDER ! are LIES ! Those operations are totally BANNED IN ALGERIA #ImaneKhelif #IstandWithImaneKhelif her pics when she was younger ⬇️ pic.twitter.com/6ABUVtpDxA

— the algerian lady (@thealgerianlady) July 31, 2024