Prishtina Gastronomy Festival: Edicioni i katërt vjen me një program artistik dhe kulinar mbresëlënës!

Prishtina është gati të mirëpresë edicionin e katërt të Prishtina Gastronomy Festival, që do të mbahet nga 29 korrik deri më 9 gusht në sheshin “Adem Jashari”. Ky është momenti që të gjithë e kemi pritur me padurim!

Festivali i këtij viti premton të jetë më i veçanti dhe më i pasuri deri tani, duke sjellë një program të larmishëm artistik dhe kulinar që do të kënaqë të gjitha shijet. Nga pjatat tradicionale shqiptare deri te ato të kuzhinës së huaj, vizitorët do të kenë mundësinë të shijojnë një gamë të gjerë të ushqimeve të përgatitura nga shefat më të mirë. Çdo ditë do të jetë një festë për të dashuruarit e ushqimit, me degustime dhe demonstrime të gatimit live.

Festivali do të nisë me një ceremoni të veçantë hapëse më 29 korrik, ku do të prezantohet një bar/kafe modulare “Coffee & More” plotësisht “Made in Kosova”, ndërtuar nga GAMP dhe SHEHU Construction, pajisur nga Frigo Deluxe dhe ku do të shërbehet Vileta Coffee. Ky bar unik është një simbol i inovacionit dhe kreativitetit vendor dhe do te prezantohet edhe ne panairin me te madh tregtar shqiptar jashte vendit, qe organizohet ne 2-3 Tetor 2024 ne Berlin, Gjermani.

Por, përveç eksperiencës kulinare, festivali do të ofrojë edhe një program të pasur artistik, ku muzika LIVE është pjesë e pandarë e këtij eventi të madh. Sivjet vijnë super performancat e Soni Malaj, Vesa Lumës, NRG Band, Anxhela Peristerit, Asgjë Sikur Dielli, Mentor Hazirit, Bujar Qamilit, Edi Furrës dhe Shkurte Fejzës. Ky është një program që premton të sjellë një përzierje unike të talenteve më të njohura dhe të dashura, duke ofruar një eksperiencë të paharrueshme për të gjithë.

Festivali i Gastronomisë së Prishtinës është një ngjarje që bashkon të gjitha gjeneratat. Është një mundësi e shkëlqyer për të kaluar një mbrëmje vere me familjen dhe miqtë, duke shijuar ushqimin e mrekullueshëm dhe argëtimin e shkëlqyer. Sigurisht, këndi i fëmijëve nuk do të mungojë as këtë vit, cdo natë të festivalit.

Prishtina është gati të marrë rolin e saj si kryeqendra e gastronomisë së mirë. Bashkohuni nga 29 korriku deri më 9 gusht në sheshin “Adem Jashari” dhe bëhuni pjesë e magjisë së Prishtina Gastronomy Festival. /Telegrafi/