“Kalova në depresion, mendoja se më kanë bërë magji”, Shpat Kasapi rrëfen periudhën e errët

Artisti i njohur, Shpat Kasapi, si rrallëherë ka rrëfyer për jetën dhe karrierën profesionale.

I ftuar në “S’e luan topi”, ai ka treguar për fillimet në karrierë dhe për problemet që ka hasur.

Këngëtari nga Shkupi ka folur gjithashtu edhe për periudhën e tij të depresionit, ku tha se ka kryer analiza të shumta dhe mendonte se i kishin bërë magji.

“U shërova nga ankthet. I mbyllur në vetvete. Kjo quhet depresion i vetmisë. Vetmia ka depresion. S’do të dalësh, s’do të shoqërohesh me askënd. Kur të vjen, hapi derën thonë. Vërtet ka qenë shumë vështirë. Shkoja dhe bëja analiza kot. Të gjitha në rregull, trupi në rregull. Shkoja te ortopedi”, u shpreh ai.

Lexo po ashtu Të gjitha lajmet nga Shpat Kasapi

I njëjti tutje shtoi: “Disa thonin si tip magjie. Mund të kalojnë magji, mund të kalojnë mësysh të madh. S’ka mundësi që 300-200 vajza e djem të të përqafojnë përnjëherë brenda 20 minutave. Të gjithë në skenë. Nuk është ajo jetë normale”.

Kasapi mes tjerash tha: “Ose ishte dhe mosmenaxhimi i mirë i gjithë atyre personave. Nuk arrin mendja, kapaciteti i mendjes, që të vijnë të përqafojnë, e gjitha quhet energji. Trupi punon me trupin. Sa të këqija dhe të mira”.

Ai tani është zhvendosur për të jetuar në Tiranë bashkë me familjen e tij. /Telegrafi/