Për herë të parë Izraeli sulmon tokat e Jemenit në një seri sulmesh kundër Houthive

Ushtria izraelite ka nisur një seri sulmesh kundër qytetit port të kontrolluar nga Houthi të Hodeidah në Jemen.

Bëhet e ditur se sulmi në objektet e rafinerisë së naftës rezultoi në viktima në qytetin bregdetar perëndimor.

Ndërkohë, thuhet se shpërthime u dëgjuan në të gjithë qytetin gjatë bombardimeve.

Sulmet vijnë një ditë pasi Houthit të mbështetur nga Irani morën përgjegjësinë për një sulm me dron pranë ambasadës amerikane në qendër të Tel Avivit, i cili la një person të vdekur dhe 10 të tjerë të plagosur.

Këto besohet se janë sulmet e para izraelite në tokën jemenase që nga fillimi i konfliktit me Hamasin në Gazë në tetor, shkruan skynews, përcjell Telegrafi.

❗️Israel has probably launched a special operation against Yemen

Heavy attacks have been carried out. In particular, the port city of Al Hudaydah was hit.

Israel is also launching missile attacks on Yemeni weapons depots. pic.twitter.com/s0CeAQVWXj

— NEXTA (@nexta_tv) July 20, 2024

Ushtria izraelite tha në një deklaratë: “Pak kohë më parë, aeroplanët luftarakë të IDF-së goditën objektivat ushtarake të regjimit terrorist Houthi në zonën e portit Al Hudaydah Hodeidah në Jemen, në përgjigje të qindra sulmeve të kryera kundër shtetit të Izraelit në muajt e fundit”.

Duke lëshuar një deklaratë për sulmin, Ministri izraelit i Mbrojtjes Yoav Gallant tha se “zjarri që digjet aktualisht në Hodeidah është parë në të gjithë Lindjen e Mesme dhe rëndësia është e qartë”.

Ai shtoi: “Houthit na sulmuan mbi 200 herë. Herën e parë që ata lënduan një shtetas izraelit, ne i goditëm ata. Dhe ne do ta bëjmë këtë në çdo vend ku mund të kërkohet”.

Lexo po ashtu Momenti kur tankeri me naftë hidhet në erë nga Houthi në Detin e Kuq, goditet me dron detarë

Ndërkohë, zëdhënësi i Houthive, Nasruddin Amer, shkroi në platformën e rrjeteve sociale X se “agresioni brutal izraelit” synonte objektet civile, objektet e magazinimit të karburantit dhe termocentralin e provincës.

Ai tha se sulmet vetëm do ta bëjnë popullin e Jemenit dhe forcat e tij të armatosura më të vendosur për të mbështetur Gazën.

BREAKING:

2 days ago, the Houthis in Yemen carried out their first ever deadly drone attack against Israel.

Now, Israel has answered with their first ever missile strikes against the Houthis.

The largest port of Yemen is now completely engulfed in flames. pic.twitter.com/qajK442Sk9

— Visegrád 24 (@visegrad24) July 20, 2024

Ndryshe, një seri sulmesh të nisura nga Houthit kanë synuar gjithashtu anijet perëndimore në Detin e Kuq dhe Gjirin e Adenit.

Më herët Operacionet e Tregtisë Detare të Mbretërisë së Bashkuar (UKMTO) tha se kanë marrë raporte për dy sulme në një anije 118.5 kilometra në veriperëndim të Mokha të Jemenit.

Kapiteni i anijes raportoi sulme nga një dron ajror dhe detar të cilët shpërthyen afër anijes.

Një tjetër sulm ndodhi në juglindje të qytetit jemenas të Adenit, kur një anije me flamur Singapori u dëmtua nga një sulm i Houthit.

UKMTO tha se ngjarja është ende nën hetim. /Telegrafi/