Egnatia eliminohet nga Liga e Kampionëve pas humbjes me penallti

Egnatia është eliminuar nga Liga e Kampionëve nga Borac Banja Luka, duke pësuar disfatë vetëm pas penalltive, pasi ndeshja pas 120 minutash u mbyll 2-1. Ndeshjen e parë klubi serb nga Bosnja e Hercegovina kishte fituar 1-0.  

Në “Elbasan Arena”, Egnatia e nisi ndeshjen me ritmin dhe intensitetin e duhur, me dëshirën për të dominuar kundërshtarin dhe për të gjetur sa më shpejtë golin.

Një nisje shumë e mirë që solli edhe avantazhin për rrogozhinasve, me Melih Ibrahimoglu që realizoi golin e parë të mbrëmjes në minutën e 16-të.

Ndërsa në një moment pasigurie te Egnatia solli golin e barazimit në minutën e 30-të, me Lukic që shënoi për Borac Banja Luka, me pjesën e parë që u mbyll në barazim.

Egnatia e kërkoi me ngulm golin e dytë dhe shtatë minuta nga fundi kohës së rregullt, falë një aksioni model, Joel Doukouo gjeti rrjetën dhe e çoi ndeshjen në shtesë dhe te penalltitë.

Aleksi dhe Lushkja gabuan te goditje e penalltive, duke bërë që Egnatia të mbyllë rrugëtimin në Ligën e Kampionëve.

Tashmë, Egnatia do të luajë në raundin tjetër, por në Ligën e Konferencës me Vikingur Reykjavik. /Telegrafi/