Interesim i jashtëzakonshëm për koncertin e Dua Lipës në ‘Wembley’, të gjitha biletat shiten për pesë minuta

Dua Lipa ka entuziazmuar fansat e saj duke shtuar një datë tjetër për turneun e saj në Stadiumin “Wembley”, pasi biletat për datën e parë u shitën brenda minutave.

Këngëtarja e hitit “One Kiss”, 28 vjeçe,u lajmërua në Instagram të premten për të zbuluar lajmin emocionues për 88 milionë ndjekësit e saj në një video të sinqertë, shkruan DailyMail.

Duke filmuar veten në shtrat sapo ishte zgjuar, këngëtarja tha: “Mirëmëngjes, mirëmëngjes, dreq, sapo i shita të gjitha biletat për Stadiumin ‘Wembley’. Mendoj se nuk do të kthehem në shtrat, kjo është e bukur. Ju djema, nuk mund ta besoj”.

Dua ishte fillimisht e planifikuar të performonte vetëm një koncert në Stadiumin ‘Wembley’ më 20 qershor 2025, si pjesë e turneut të saj “Radical Optimism”.

Por tani, për shkak të kërkesës fenomenale, ylli i muzikës pop do të qëndrojë në kryeqytetin anglez për një natë të dytë për të bërë një tjetër performancë më 21 qershor.

Në një video të postuar në Instagram, Dua tha: “E dëgjova se po kthehet në shtëpi (Evropiani), kështu që mendova se do të kthehem edhe unë (PËRSËRI)!!!! Wow, kjo ishte thirrja më e mirë për t’u zgjuar! Ju djema i shitët biletat për Stadiumin ‘Wembley’ brenda disa minutave! Ju dua shumë dhe po shtojmë një datë tjetër për ju! E shtunë 21 qershor 2025, biletat janë në shtiej tani”.

Me biletat në dispozicion menjëherë, fansat e Dua zunë komentet për të shprehur entuziazmin e tyre dhe për t’i bërë komplimente këngëtares, duke shkruar: “Çfarë është kjo! Le të shkojmë”, “Le të ecim”, “Ulërima në jastëk ishte aq reale. Urime Dua”.

Dhe ata që kanë siguruar bileta për shfaqjet shumë të pritura janë me fat pasi ylli planifikon të jetë shumë pranë me fansat e saj kur të performojë në Stadiumin ‘Wembley’. Ajo do të dalë nga skena kryesore dhe do të ecë për gjatë gjithë turmës në një mënyrë të ngjashme me performancën e saj kryesore në Glastonbury muajin e kaluar.

Një burim tha: “Dua akoma nuk mund ta besojë se ajo do të kryesojë në Stadiumin ‘Wembley’. Ajo dëshiron ta bëjë të ndihet si një diskotekë gjigante dhe të sigurojë që të gjithë të kenë vendin më të mirë në shtëpi”.

Dua konfirmoi se do të performonte në ‘Wembley’ vetëm disa ditë pas performancës së jashtëzakonshme në Glastonury.

Ajo tha në një deklaratë: “Nuk mund të kishte një moment më të mirë për të ndarë këtë me ju të gjithë! Jam ende në ekstazë nga magjia e kryesimit të skenës Pyramid në Glastonbury këtë fundjavë dhe jam absolutisht e ngazëllyer të njoftoj se do të performoj në Wembley këtë kohë vitin tjetër”.

Një deklaratë nga ekipi i saj shtoi: “Sot, pas performancës së saj elektrizuese në Glastonbury, fituesja globale e tri çmimeve Grammy dhe shtatë çmimeve BRIT, Dua Lipa njoftoi se do të performojë në stadium legjendar të Londrës verën e ardhshme më 20 qershor 2025”.

Dua mori vlerësime të mëdha për performancën e saj në skenën Pyramid në Glastonbury dhe pranoi se kryesimi i festivalit ishte përmbushja e një ëndrre.

Këngëtarja e “New Rules” – e cila performoi për 1 orë e 45 minuta – tha për turmën: “Wow, Glastonbury! A mund të ndezim dritat e shtëpisë? Dua t’ju shoh të gjithëve… Oh njeri, kjo është një ëndërr e madhe, e madhe që bëhet realitet për mua”.

Gjithashtu vjen pak pas momentit kur këngëtarja siguroi që të gjithë sytë të ishin mbi të kur doli në skenë në Mad Cool Festival në Madrid, Spanjë të mërkurën. /Telegrafi/