Gashi në samitin parlamentar të NATO-s: RMV është e përkushtuar në promovimin e stabilitetit rajonal dhe global
Në prag të Samitit të NATO-s, kushtuar shënimit të 75-vjetorit të ekzistencës së Aleancës, me iniciativën e Presidentit të Dhomës së Përfaqësuesve të Kongresit Amerikan, Mike Johnson dhe delegacionit të tyre në AP të NATO-s, më 9 korrik 2024 në Uashington u mbajt Samiti Parlamentar i AP të NATO-s, në të cilin morën pjesë presidentët/kryetarët e parlamenteve të vendeve anëtare të NATO-s dhe shefat dhe zëvendësshefat e delegacioneve.
Delegacionet nga 23 shtete anëtare dhe Ukraina u përfaqësuan në nivelin më të lartë, kështu që vetë ngjarja dëshmon përkushtimin e lartë të parlamenteve dhe rolin e tyre aktiv në ndërtimin e arkitekturës botërore të sigurisë dhe promovimin e vlerave Atlantike.
Samiti u hap nga presidenti i përkohshëm i AP të NATO-s, kongresmeni Gary Connolly, kreu i delegacionit amerikan në AP të NATO-s, kongresmeni Michael Turner dhe Kryetari i Kuvendit të Ukrainës, Rusllan Stefançuk, të cilët patën fjalime përshëndetëse për pjesëmarrësit. Në fjalimet e tyre të shkurtra, theksi u vu në luftën në Ukrainë, nevojën për një aleancë më të madhe në ofrimin e ndihmës së nevojshme për Ukrainën në kapacitetet ushtarake, praktikat e mira, ekspertët teknikë, pajisjet mjekësore, rindërtimin e sektorit energjetik.
Gjatë fjalimeve tre minutëshe, delegacionet shprehën pikëpamjet e tyre për sfidat aktuale të sigurisë si dhe interesat dhe harmonizimet kombëtare. Kryetari i Kuvendit të Republikës së Maqedonisë së Veriut, Afrim Gashi, duke përshëndetur mbajtjen e këtij Samiti, në fjalën e tij theksoi rëndësinë e Politikës së dyerve të hapura, arritjen e qëllimit të synuar prej +2% të BPP për investime në pajisjet ushtarake të çdo vendi anëtar të NATO-s, përkushtimi i vendit në promovimin e një atmosfere dhe politikash të stabilitetit rajonal dhe global, nevoja për një partneritet thelbësor me Bashkimin Evropian për të forcuar komplementaritetin e tij strategjik me NATO-n dhe rëndësinë e zërit të parlamenteve dhe parlamentarëve.
Fondi Gjerman Marshall, në bashkëpunim me kompaninë “Boeing”, dhe me rastin e 75-vjetorit të NATO-s, organizoi një mëngjes pune për të gjithë pjesëmarrësit e Samitit Parlamentar. Në këtë takim u demonstrua rëndësia dhe pesha e instituteve analitike, fondacioneve dhe organizatave think-tank në krijimin e projekteve globale të sigurisë dhe të mbrojtjes, të cilat përfaqësojnë mbështetje solide intelektuale për Aleancën në zbatimin e aktiviteteve të saj.
Kryetari Gashi, pas përfundimit të Samitit Parlamentar, ka dhënë një deklaratë për redaksinë maqedonase dhe shqipe të “Zërit të Amerikës”. Kryetari i Dhomës së Përfaqësuesve të Kongresit Amerikan, Mike Johnson dhe shefi i Delegacionit të SHBA-së në AP të NATO-s, kongresmeni Michael Turner, organizuan një pritje për pjesëmarrësit e Samitit Parlamentar në ndërtesën e Kongresit Amerikan. Në pritje mori pjesë edhe Gary Connolly, ushtrues detyre i presidentit të AP të NATO-s dhe Sekretari i Përgjithshëm i NATO-s, Jens Stoltenberg. Ata, me fjalimet e tyre të rastit, përshëndetën të pranishmit dhe e shënuan 75-vjetorin e Aleancës, duke theksuar mbështetjen e pakushtëzuar të Ukrainës dhe rolin e të gjitha vendeve aleate dhe partnere në ndërtimin dhe ruajtjen e sigurisë globale.
Pas përfundimit të Samitit Parlamentar, Shefat dhe zëvendësshefat e delegacioneve mbajtën një mbledhje të posaçme të Komisionit të Përhershëm, në të cilën u miratuan ndryshimet statutore dhe procedurale, me të cilat u formua një menaxhim i lartë i përkohshëm i AP të NATO-s, për shkak të disa ndryshimeve të karrierës në raport me ato të mëparshme. Në takim mori pjesë deputeti Mile Talevski, zëvendës shef i delegacionit të Kuvendit në Këshillin e Sigurimit të NATO-s. Kongresmeni Gary Connolly u emërua si President i përkohshëm i AP të NATO-s dhe të gjitha vendimet e tjera do të verifikohen në sesionin e ardhshëm vjetor të AP të NATO-s në Montreal, Kanada.
Promo
Reklamo këtuLufta Prigozhin - Putin
Më shumëPolicia e Shtetit publikon pamje se si 32-vjeçari në Durrës ua mori dy shtetasve varëset nga qafa, vihet në pranga
Kurti: Lojërat Olimpike 2024 po sjellin botën në Paris, Macroni na bëri bashkë liderët e botës demokratike
Rreziqet në Kosovë, ato të sigurisë dhe nga radikalët islamistë - çfarë thuhet në raportin hulumtues të Institutit për Siguri dhe Rezilience?
“Koha e Kurtit në të pame, homazhe e takime”, zëdhënësi i Qeverisë i reagon Demit
Zgjedhjet e rregullta parlamentare, Cakolli tregon se kur mund të mbahen ato
Rama vazhdon me publikimin e videove nga plazhet: Pamje nga Himara, Borshi, Jala e Dhërmiu – ku gjen pushues nga e gjithë bota
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Koci jep detajet e fundit për rastin e Faton Hajrizit: Çdo informacion po e marr me rezervë të madhe
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Sondazhi i New York Times - kush po udhëheq, Harris apo Trump
"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
E nisi me humbje të thellë me Juventusin, këto janë fjalët e Thiago Mottas
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë