Vetura autonome Vern së shpejti në rrugët e Kroacisë

Kompania e re e Mate Rimac, Verne, e prezantuar në vitin 2026, u jep shoferëve kontroll të madh brenda automjetit autonom.

Bëhet e ditur se Verne po ndërton një aplikacion për udhëtime që do t’i lejojë drejtuesit të vendosin temperaturën, ndriçimin dhe aromën e automjetit para se të arrijnë te ai.

Forma unike e Verne vjen nga dizajni i kabinës.

Kompania e dizajnoi veturën duke maksimizuar hapësirën për këmbë, për të cilën pretendohet se është më e madhe se e një Rolls-Royce, përcjell Telegrafi.

Siç raportohet, brenda veturës ka vetëm dy vende, sepse Verne zbuloi se 90 për qind e udhëtimeve përbëhej vetëm nga një ose dy persona.

Gjithashtu, modeli përmban një ekran info-argëtues, edhe pse i mungon timoni dhe pedalet.

Pjesa e jashtme unike e Verne fsheh kamerat, radarët, sistemet LIDAR dhe mekanizmat e pastrimit të integruara thellë.

Verne së pari do të dalë në rrugët e Zagrebit në vitin 2026, në Kroaci, përpara se të zgjerohet në Mbretërinë e Bashkuar, Gjermani dhe Lindjen e Mesme.

Ka plane për t’u zgjeruar në mbarë botën dhe kompania tashmë po ndërton objektin e saj të parë të prodhimit në Kroaci.

Kompania mban emrin e Zhyl Vernit. /Telegrafi/