Mark Rutte, i cili ka shumë të ngjarë të bëhet Sekretari i Përgjithshëm i ri i NATO-s, është një kritik i ashpër i presidentit rus, Vladimir Putin dhe një aleat i vendosur i Ukrainës, i cili i ka përmirësuar aftësitë politike gjatë mandatit 14-vjeçar si kryeministër i Holandës.
Holandezi 57-vjeçar ka qenë një nga mbështetësit më të mëdhenj ushtarak evropian për Ukrainën që nga fillimi i pushtimit rus në shkurt të vitit 2022 dhe thekson se disfata e Moskës është vendimtare për paqen në Evropë.
Rrëzimi i aeroplanit mbi Ukrainë në 2014 ishte një pikë kthese për Rutte
Ajo u nxit nga rrëzimi i një aeroplanit mbi Ukrainë në vitin 2014, për të cilin Holanda fajëson Rusinë. 298 njerëz vdiqën atëherë dhe 196 ishin shtetas holandezë.
NATO duhet të jetë e fortë për të kundërshtuar Moskën dhe liderët evropianë nuk duhet të jenë naivë kur bëhet fjalë për Rusinë e Putinit, thekson ai.
“Ai nuk do të ndalet në Ukrainë nëse nuk e ndalojmë tani. Kjo luftë është më e madhe se Ukraina. Ka të bëjë me ruajtjen e sundimit ndërkombëtar të ligjit”, tha Rutte në OKB në shtator të vitit 2022, shtatë muaj pas fillimit të pushtimit të Rusisë.
Pas rrëzimit të fluturimit MH17, Rutte u bë një nga politikanët më të shquar të Evropës, duke luajtur një rol të rëndësishëm në debatet evropiane mbi emigracionin, borxhin dhe përgjigjen ndaj pandemisë COVID-19.
Nën udhëheqjen e tij, Holanda rriti shpenzimet e mbrojtjes në më shumë se 2 për qind të GJDP-së siç kërkohet nga NATO dhe i dhuroi Kievit aeroplanë F-16, artileri, drone dhe municione.
Stoltenberg pranoi në NATO Malin e Zi, Maqedoninë e Veriut, Finlandën dhe Suedinë
Është pothuajse e sigurt se në tetor ai do të zëvendësojë Jens Stoltenberg në krye të NATO-s, i cili e mbajti atë post për gati dhjetë vjet, pasi presidenti rumun tërhoqi kandidaturën. Rutte ka siguruar tashmë mbështetjen e 31 nga 32 shtetet anëtare të Aleancës.
Stoltenberg tha të martën se Rutte është një kandidat “shumë i fortë” për ta pasuar atë dhe se një vendim është afër.
Gjatë mandatit të Stoltenbergut, Aleanca përfshinte Malin e Zi, Maqedoninë e Veriut, Finlandën dhe Suedinë.
Disa anëtarë të NATO-s shpresonin që kryeministrja estoneze, Kaja Kallas të bëhej Sekretarja e parë e Përgjithshme e Aleancës, por për të tjerët ajo është shumë radikale në qëndrimin e saj ndaj Rusisë.
Lidhja transatlantike
Rutte ka jetuar gjithë jetën në Den Haag dhe nuk është i martuar ndërsa synonte t’i përkushtohej mësimdhënies. Por, lufta në Ukrainë e shtyu atë të vendoste për një post ndërkombëtar.
Ai është një mbështetës i fortë i presidentit ukrainas, Volodymyr Zelensky, të cilin e takoi në Kiev pesë vjet më parë.
“Edhe atëherë ishte e qartë: ky është një njeri me një mision… Jam i bindur se suksesi i Ukrainës varet kryesisht nga mentaliteti që ai përhapi që në fillim”, tha Rutte për reuters në muajin prill.
Nga ana tjetër, megjithëse paralajmëroi kërcëninet e Putinit, ai sugjeroi gjithashtu se presidenti rus nuk është aq i fortë sa duket.
“Mos e mbivlerësoni Putinin mendërisht. Unë kam folur shumë me të. Ai nuk është një njeri i fortë, ai nuk është një djalë i fortë”, tha Rutte në një debat në parlament në muajin prill.
“Një nga ata në BE që e trajtoi Trumpin më së miri”
Rutte konfirmoi kandidaturën për Sekretarin e ri të Përgjithshëm të NATO-s vitin e kaluar si një nga udhëheqësit e koalicionit ndërkombëtar që do të dorëzojë aeroplanët F-16 në Ukrainë dhe do të trajnojë pilotët ukrainas.
Në fund të mandatit të tij në krye të qeverisë holandeze, ai nënshkroi një marrëveshje sigurie dhjetëvjeçare me Ukrainën që i garanton asaj mbështetjen e Holandës.
Rutte ka marrëdhënie të mira me zyrtarë të ndryshëm britanikë dhe amerikanë dhe nga shumëkush konsiderohet si njeriu që është përballur më së miri me presidentin amerikan, Donald Trump, i cili kandidon sërish për Shtëpinë e Bardhë.
“Duhet të ndalojmë së ankuari për Trumpin”
Mund të jetë një përvojë e vlefshme për të, sepse rikthimi i mundshëm i Trumpit në pushtet i ka shqetësuar liderët e NATO-s që kur ai vuri në dyshim gatishmërinë e Amerikës për të ndihmuar anëtarët e tjerë të Aleancës nëse ata sulmoheshin.
Në një konferencë sigurie në Mynih vitin e kaluar, Rutte tha se liderët duhet të ndalojnë “rënkimin për Trump” dhe duhet të shpenzojnë më shumë për mbrojtjen dhe prodhimin e municioneve, pavarësisht se kush do të fitojë zgjedhjet presidenciale amerikane, të cilat do të mbahen në muajin nëntor. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Pas muajsh pritjeje, NATO do të dërgojë aeroplanët e parë luftarakë F-16 në Ukrainë
Trump habit me thirrjen drejtuar mbështetësve të tij: “Dilni dhe votoni, pasi nuk do t’iu duhet ta bëni më”
Një raketë e pashpërthyer e Luftës së Dytë Botërore gjendet në një fshat në Poloni, nis evakuimi i banorëve
Trump po ‘harron’ që Harris është e martuar me një hebrenj - mundohet ta paraqes demokraten si antisemite
"Heroi rus i luftës në Ukrainë" rrahet për vdekje në stacionin policor në Rusi
Macron dhe presidenti argjentinas “shikim plot urrejtje” - liderët takohen në një kohë kur marrëdhëniet mes tyre janë në nivelin e ulët
Skenë joreale në Kroaci - gurët rrjedhin poshtë malit sikur një lumë
Biden po përgatit një plan reformash që nuk do t'i pëlqejnë Trumpit
Mediat serbe publikojnë detaje të reja rreth vrasjes së Faton Hajrizit në Serbi
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Koci jep detajet e fundit për rastin e Faton Hajrizit: Çdo informacion po e marr me rezervë të madhe
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Sondazhi i New York Times - kush po udhëheq, Harris apo Trump
"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
E nisi me humbje të thellë me Juventusin, këto janë fjalët e Thiago Mottas
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë