Hera e parë që do të luajnë në garat evropiane, Malisheva nis përgatitjet për sezonin e ri

Malisheva ka përfunduar një sezon historik atë 2023/24 ku e përfundoi në pozitën e katërt në tabelë.

Kjo pozitë i mjaftoi malishevasve që të kapin garat evropiane për herë të parë në histori të klubit.

Malisheva do të luaj në raundin e parë të garës së tretë evropiane për klube, Ligën e Konferencës.

Klubi nga ‘Liman Gegaj’ ka njoftuar për fillimin e përgatitjeve duke shkruar se nuk është vetëm një rifillim i stërvitjeve, por fillim i një kapitulli të ri.

Njoftimi i plotë nga Malisheva:

Rikthehemi në Stërvitje: Energji dhe Vendosmëri e Rinovuar!

Pas një periudhe pushimi rifillojmë me stërvitje. Kjo nuk është vetëm një rifillim i stërvitjeve, por një fillim i një kapitulli të ri të arritjeve dhe sukseseve.

Në ditët dhe javët që vijnë, do të punojmë fort për të forcuar lidhjet ndërmjet nesh si skuadër, dhe për të sjellë emocionin dhe pasionin tonë në fushën e lojës.

Ekipi është në gatishmëri të plotë për të ecë para dhe të përfaqësojë me krenari ngjyrat tona. Le të bëjmë këtë, bashkë! /Telegrafi/