Ia fshinë këngën nga YouTube, reagon Tayna: Ia kam lënë drejtësisë dhe Zotit, mjeranët po tregojnë sa të vegjël janë

Rap-artistja e njohur shqiptare, Tayna, ditën e djeshme (e hënë) u rikthye pas disa muajsh me këngë të re.

“Si ai” titullohej projekti, të cilin e lansoi në kanalin zyrtar të saj në YouTube, pas largimit nga Friends Entertainment.

Ajo ka bërë një reagim së fundmi pasi kjo këngë iu fshi nga platforma YouTube.

Këngëtarja nga Prizreni në një shkrim të gjatë i kërkoi falje fansave duke thënë se këtë ia ka lënë në dorë drejtësisë dhe Zotit.

Postimi i plotë i Taynës (pa ndërhyrje):

“Unë, për mua jam e Para!

Për vite kam punuar shumë në cdo disponim te mundshëm, në cdo gjendje emocionale/shpirtërore/shëndetësore pa u dorzuar kurrë e në ndërkohë këto vite, te tjerët i kan shijuar lehtë rezultatet e sukseseve të mia te cilat ju bënë atyre “ shpi “. Po shpija ime nuk kishte rëndësi. Shëndeti i familjarëve të mi vazhdon të mos ketë rëndësi per ta.

Në heshtjen e shumë njerëzve mësova shumëçka.

Ashtu si mbreti Artur, me shpatën e së vërtetës, dinjitetit dhe respektit për veten dhe të gjithë njerëzit që një zemër e kanë, dal me kraharorin hapur dhe bërtas: NUK bëhet dot njeriu i madh as me para, as me famë, e as me ligësi. Ti je njeri i vogël kur vjen në këtë Tokë për të vuajtur suksesin që kurrë s’ja ndeve aromën, ke ardhur për t’u kacavjerrë në xham ashtu si një kërmill pas shiu…

Po unë, do të të vrojtoj me durim, sepse unë jam e MADHE…

I kërkoj ndjesë dëgjuesve t’mi për videon e hequr, por unë e di që do më kuptoni, e bashkë me mua, do bëni durim para mjeranëve të cilët nuk lënë një rast t’u ikë, pa treguar sa të vegjël janë!

Un ja kam lënë në dorë drejtësisë edhe Zotit”. /Telegrafi/

View this post on Instagram

A post shared by Tayna (@tayna)