Komisioni Kombëtar i UNESCO-s po kërkon dokumentacionin për ndërtimin e hotelit në Goricë

Në një seancë të mbajtur nga Komisioni Kombëtar i UNESCO-s, u diskutua ndërtimi i kompleksit hotelier në lokalitetin turistik “Gorica” në Ohër. Pas një diskutimi të gjerë, u arritën në konkluzione thelbësore për të cilat u bë e ditur përfaqësuesve të Komunës së Ohrit.

Ministrja e Kulturës, Bisera Kostadinovska-Stojçevska, në krye të seancës, u fokusua në rëndësinë e mbrojtjes së trashëgimisë natyrore dhe kulturore botërore, duke e theksuar se Komisioni Kombëtar i UNESCO-s nuk duhet të lejojë shfrytëzimin e ligjeve të përhershme për të lejuar projekte që mund të dëmtojnë këtë trashëgimi.

Në këtë kontekst, Komisioni Kombëtar i UNESCO-s i kërkoi Komunës së Ohrit që të dorëzojë të gjithë dokumentacionin lidhur me ndërtimin e kantierit në “Goricë”, duke përfshirë dokumentacionin urbanistik, marrëveshjet për tjetërsimin e tokës, miratimet për ndërtimin, si dhe çdo dokument tjetër relevant për projektin.

Në vazhdim të seancës, u bë e ditur se asnjë dokumentacion lidhur me këtë çështje nuk është paraqitur deri më tani te institucionet kompetente të kulturës. Projekti për ndërtimin e lokacionit në fjalë nuk është dorëzuar për miratim pasi nuk ka qenë në përputhje me Planin për Menaxhimin e Trashëgimisë Natyrore dhe Kulturore Botërore të Rajonit të Ohrit.

Ministria e Kulturës theksoi se pas marrjes së dokumentacionit të nevojshëm nga Komuna e Ohrit, Komisioni Kombëtar i UNESCO-s do të analizojë situatën dhe do të lëshojë rekomandime lidhur me ndërtimin e kompleksit hotelier në “Goricë”.