Dua Lipa duket e lumtur në krahët e të dashurit të saj, ndërsa fotografohen bashkë në një darkë në New York City

Dua Lipa dukej e lumtur me të dashurin Callum Turner teksa darkuan së bashku në New York City pas mbrëmjes gala “Time 100” të enjten.

Këngëtarja, 28 vjeçe, dhe aktori britanik, 34 vjeç, mbërritën në vendin e njohur të të famshmëve, “Zero Bond”, duke u mbajtur për dore.

Duke buzëqeshur gjerësisht, Lipa dukej mahnitëse në një pallto trench të zezë mbi një fustan të shkurtër me lule të zeza, shkruan DailyMail.

Interpretuesja e hitit “Physical” e plotësoi veshjen e saj me çorape tërheqëse me material rrjete dhe taka që rrisnin gjatësinë e saj.

Callum i kalonte në gjatësi ndërsa ata bënin rrugën e tyre shpejt drejt hyrjes së restorantit me një roje sigurie nga pas.

Dua Lipa dhe Turner nisën të dilnin së bashku në janar pasi ajo u nda me regjisorin francez Romain Gavras, 42 vjeç, në vitin 2023.

Vetëm disa orë më parë, Lipa tërhoqi vëmendjen me paraqitjen e saj glamuroze në mbrëmjen gala “Time 100”, si një nga emrat më të nderuar të mbrëmjes.

Këngëtarja e këngës “Levitating” shkëlqeu në një fustan argjendi të markës “Chanel” me mëngë të gjata.

Fustani gjithashtu kishte në qendër një fjongo në formën e çelësit të zezë dhe një brosh në mes.

Interpretuesja e hitit “Dance The Night” i kishte lënë gati të lirshme flokët e saj të gjatë me nuancë të kuqërremtë, të stiluar në një ndarje qendrore dhe me valë të thella.

Për aksesorë, ajo vendosi një gjerdan të mbuluar me diamante. Ndërsa makijazhi i saj ishte i plotë duke përdorur nuancat lejla.

Ylli i muzikës përndryshe zbuloi se ishte në kopertinën e “Time 100”, e përzgjedhur nga revista e famshme si një prej 100 njerëzve më me ndikim në botë. /Telegrafi/