Nëna nga Brazili së bashku me të birin shtien mbi një shtëpi private, vriten dy persona dhe plagoset prifti – gjithçka filloi për qiranë

Ky është momenti rrëqethës kur nëna me të birin filluan të shtien me armë mbi një shtëpi në Brazil, ku si pasojë mbetën të vrarë dy persona dhe plagoset prifti, pas një grindje rreth qirasë.

Kamerat e sigurisë shfaqin sulmuesit e identifikuar si Ines Gemilaki, 48-vjeçe dhe i biri i saj 28-vjeç Bruno Gemikali Dal Poz, që futën në një shtëpi private në Peixoto de Azevedo në pjesën qendrore të Brazilit, transmeton Telegrafi.

Dyshja që arritën në vendin e ngjarjes me veturë, u futën në shtëpi që në asokohe ishin tetë persona dhe aty filluan të shtënat.

Banorët shihen duke kërcyer nga frika e të shtënave me armë, ku më pas vrapojnë për t’u fshehur. Katër prej tyre arrijnë të ikin përmes derës së xhamit, por katër tjerë vendosën të qëndrojnë në shtëpi.

Shihet pluhuri që ngritet në murin e shtëpisë derisa Ines qëllon mbi këtë pronë. Ajo madje shihet duke shtënë mbi njerëzit që ishin fshehur prapa shtratit.

Pamjet nga jashtë tregojnë bashkëshortin dhe shoferin e identifikuar si Marcio Ferreira Goncalves duke shkuar në veturë, pasi që Ines dhe Bruno shtien me armë.

Pilson Pereira da Silva, 69, dhe Rui Luiz Bogo, 81, mbetën të vdekur në vendin e ngjarjes derisa prifti 45-vjeç Jose Roberto Domingo u plagos. /Telegrafi/