“Kishit 90 minuta kohë për të fituar, mos u anko tani” – dalin pamjet nga përplasja e Donnarummas me gjyqtarin e katërt në tunel të stadiumit

Paris Saint Germain është ndalur në një barazim zhgënjyes 1-1 nga Clermont në Parc de Princes.

Portieri italian i PSG-së, Gianluigi Donnarumma, është kapur në kamera duke u debatuar me gjyqtarin e katërt për ndalesat e bëra nga Clermont. ‘Kjo është ajo që më thua?’

Reprezentuesi italian po fliste me gjyqtarin e katërt pas barazimit zhgënjyes 1-1 në shtëpi me Clermont Foot në Ligue 1.

Lexo po ashtu PSG-ja me mendje te Liga e Kampionëve, ndalet me barazim nga Clermonti

Mysafirët në fakt kishin kaluar në epërsi me një përpjekje të devijuar të Habib Keita dhe për PSG-në shifrat i barazoi Goncalo Ramos pesë minuta para fundit të ndeshjes.

Donnarumma ishte i zemëruar që u dhanë vetëm katër minuta kohë shtesë, por u zemërua pozitivisht me përgjigjen që mori nga gjyqtari i katërt.

“Kishit 90 minuta për të fituar ndeshjen”, i tha gjyqtari gjë që bëri Donnarumma të zemërohet edhe më shumë.

"C'est grave que tu me le dises comme ça !" 😡

Gianluigi Donnarumma très remonté contre le 4ème arbitre et les 4 minutes de temps additionnel accordées lors de #PSGCF63 🤐 pic.twitter.com/rIV43ujQyB

— CANAL+ Foot (@CanalplusFoot) April 6, 2024

“Është shumë serioze që më thua mua. Unë pyes pse u dhanë vetëm katër minuta dhe këtë më thoni? Jo, kjo është vërtet serioze”, u shpreh Donnarumma me tone të ashpra.

Gjithsesi debati mes dyshes vazhdoi, derisa PSG tani në mesjavë do të takohet me Barcelonën në kuadër të Ligës së Kampionëve. /Telegrafi/