Suedia mirëpritet në NATO me ceremoninë e ngritjes së flamurit

Suedia është bërë anëtari i dytë i ri i aleancës që nga pushtimi i Ukrainës nga Rusia.

Kjo pason pranimin e Finlandës në NATO në prill 2023 pasi Vladimir Putin urdhëroi pushtimin e Ukrainës në shkurt 2022, përcjell Telegrafi.

Pas ratifikimit të Suedisë, Sekretari i Përgjithshëm i NATO-s, Jens Stoltenberg e përshkroi atë si “një ditë historike”.

“Pas mbi 200 vitesh mos-angazhim, Suedia tani gëzon mbrojtjen e dhënë sipas nenit 5, garancia përfundimtare e lirisë dhe sigurisë së aleatëve”, shtoi ai.

Neni 5, i aktivizuar vetëm një herë më parë nga SHBA-ja pas sulmeve të 11 shtatorit 2001, i detyron të gjithë anëtarët t’i vijnë në ndihmë një aleati, territori ose siguria e të cilit është nën kërcënim.

Suedia ka përqafuar neutralitetin për më shumë se 200 vjet, por mbështetja për anëtarësimin në NATO u rrit në dritën e raporteve për agresionin rus duke përfshirë një nëndetëse të dyshuar në ujërat e saj.

Anëtarësimi i saj në NATO ishte penguar për një kohë nga Turqia dhe Hungaria. /Telegrafi/