Prishtina AutoShow 2024 – Ngjarja më e madhe e industrisë së automjeteve po vjen me 26, 27 dhe 28 Prill!

Prishtina po përgatitet të mirëpresë edicionin më të madh deri më tani të Prishtina AutoShow, që do të mbahet më 26, 27 dhe 28 Prill në parkingun e Prishtina Mall. Ky event tre-ditor pritet të tërheqë mijëra vizitorë nga e gjithë rajoni, duke iu ofruar atyre një mundësi të pazakontë për të parë nga afër inovacionet dhe trendet më të reja në industrinë e automjeteve.

Prishtina AutoShow 2024 pritet të sjellë së bashku autosallone, përfaqësues të kompanive të automjeteve, ekspertë të industrisë dhe entuziastët e makinave e shumë e shumë inovacione të tjera në një hapësirë të vetme, ku do të ndahen njohuri,  do të diskutohet për trendet e reja dhe të krijohen partneritete. Vizitorët do të kenë mundësinë të shikojnë nga afër modelet më të fundit të automjeteve.

Për kompanitë që janë aktive në industrinë e automjeteve, Prishtina AutoShow ofron një platformë të shkëlqyer për të ekspozuar produktet dhe shërbimet e tyre, të rrisin ndërgjegjësimin rreth markës dhe të zgjerojnë rrjetin e tyre të kontakteve. Organizatorët kanë bërë të ditur se ky vit do të jetë më i madh se çdo herë më parë, prandaj kompanitë të cilat janë të interesuara të bëhen pjesë e kësaj ngjarjeje unike, ftohen të regjistrohen si ekspozues.

Për të marrë më shumë informacion ose për të bërë rezervimin tuaj si ekspozues, ju mund të telefononi në numrin 045 666 220 ose të dërgoni një email në info@modus-events.com.

Mos humbisni mundësinë të jeni pjesë e Prishtina AutoShow 2024 dhe të vendosni kompaninë tuaj në qendër të vëmendjes në një nga ngjarjet më të rëndësishme të industrisë së automjeteve në rajon.

Prishtina AutoShow – Fuqi, Elegancë, Inovacion