Observatori SOFIA është ndryshe nga shumica e teleskopëve që keni parë.
Një tjetër projekt i përbashkët midis NASA-s dhe Qendrës Gjermane të Hapësirës Ajrore (DLR), kishte vendosur SOFIA-n brenda një aeroplani Boeing 747SP. Kur hapej dera e madhe e aeroplanit, zbulohej teleskopi 2.5 metra i gjatë.
SOFIA u krijua për të bërë kërkime astronomike me rreze infra të kuqe, të cilat janë mjaft sfiduese në terren, shkruan yahoonews, përcjell Telegrafi.
Observatori ajror i ndaloi kërkimet në vitin 2022, por shkencëtarët ende po shqyrtojnë të dhënat që ai i ka mbledhur.
Kohët e fundit, një ekip astronomësh kanë studiuar katër asteroidë të pasur me silikate të cilët kanë qenë nën vëzhgimin e SOFIA-s. Dy nga këta katër asteroidë, Iris dhe Massalia, dhanë konfirmime të qarta të molekulave të ujit në sipërfaqet e tyre.
Bëhet e ditur se, rezultatet janë publikuar në The Planetary Science Journal.
“Ne e bazuam kërkimin tonë në suksesin e ekipit që gjeti molekula uji në sipërfaqen e Hënës të ndriçuar nga Dielli. Ne menduam se mund ta përdorim SOFIA-n për të gjetur molekula uji edhe në trupa të tjerë”, tha autorja kryesore e studimit, Dr. Anicia Arredondo.
Vëzhgimet nga teleskopi sugjerojnë se sasia e ujit në Iris dhe Massalia është në përputhje me sasinë e ujit në disa pjesë të Hënës.
Dy asteroidët e tjerë në studim të njohur si Parthenope dhe Melpomene, kthyen sinjale të paqarta dhe të zhurmshme për të cilët nuk u përcaktua nëse uji ishte i pranishëm apo jo.
Për shkak të disa kufizimeve të teleskopit SOFIA, ekipi po i drejtohet teleskopit hapësinor James Webb për vëzhgimet e ardhshme në të kuptuarit e shpërndarjes së ujit në sistemin diellor. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ratko Mlladiq kërkoi të lirohet me kusht – siç pritej, refuzohet kërkesa e kriminelit të luftës
Pas kërkesës për urdhërarrest për Netanyahun, Biden thotë se veprimi i Izraelit në Gaza nuk është gjenocid
Tërmeti godet kraterin vullkanik pranë Napolit, lëkundjet më të forta që kanë goditur rajonin në dekada kanë shkaktuar panik
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251