Duke folur për sulmin terrorist në Banjskë, në shtator të vitit të kaluar, për të cilin regjimi në Beograd u etiketua gjerësisht si organizator, dhe Milan Radoiçiq, nënkryetar i atëhershëm i Listës Serbe, si kryesuesi i “punëve”, presidenti i Serbisë dy ditë më parë tha se organet kompetente do të ngrenë kallëzime kundër njerëzve në Banjskë për vepra penale “për shembull shkaktimi i rrezikut të përgjithshëm”.
“E si mund t’i akuzojmë për ndonjë vepër tjetër penale kur do të dalin dhe do të thonë ‘mirë’, ne e bëmë punën tonë, sepse sipas Rezolutës 1244 është e Serbisë dhe sipas asaj rezolute duhet të ishin 1000 ushtarë dhe policë që nuk u lejuan, duhej të mbronim vendin tonë’. Dhe çfarë do t’u themi atyre? Për këtë do të dënoheni? Ose do të pranojmë që Kosova është shtet i pavarur dhe do t’i dënojmë nga ai këndvështrim”, tha Vuçiq.
Kujtojmë se kërkesa që Milan Radoiçiq, i cili pesë ditë pas sulmit në Banjskë dha dorëheqjen nga posti i nënkryetarit të Listës Serbe dhe pranoi se ishte përgjegjës për sulmin në Banjskë, të arrestohet dhe të ndiqet penalisht vjen gjithnjë e më shumë nga përfaqësuesit e BE-së dhe SHBA-së.
E fundit në serinë e “presioneve” ishte nga senatorja amerikane Jeanne Shaheen, e cila javën e kaluar në Mynih, gjatë një konference për sigurinë ku mori pjesë Aleksandar Vuçiq, kërkoi arrestimin e Milan Radoiçiqit.
Në margjinat e Konferencës së Mynihut, Shaheen ka takuar ndaras presidentin e Serbisë, Aleksandar Vuçiq dhe kryeministrin e Kosovës, Albin Kurti.
Në ndërkohë, ajo në panelin e këtij forumi ndërkombëtar tha se Radoiçiq “duhet të arrestohet dhe të shkojë në burg”.
Ai (Milan Radoiçiq) pranoi bashkëpunimin në atë që ndodhi më 24 shtator dhe në vrasjet”. Kjo është arsyeja pse duhet të përgjigjet. Serbia dhe Kosova duhet të bashkëpunojnë për këtë çështje”, tha ajo pas takimit me Vuçiqin dhe Kurtin.
Organit kompetent – prokurorit publik – i është sugjeruar që të ngrihet aktakuzë, madje është sugjeruar kualifikimi i veprës penale me shpjegim krejtësisht jashtëligjor, ekskluzivisht politik, i cili është parëndësishëm. Për më tepër, rrethana lehtësuese janë sugjeruar edhe për të pandehurin e mundshëm të ardhshëm Radoiçiq – komenton Vesna Rakiq Vodineliq, profesoreshë e drejtësisë për Danas.
“Vetëm një tjetër në radhën e gjatë të ndërhyrjeve serioze të presidentit në gjyqësor”.
Kjo është vetëm një tjetër në serinë e gjatë të ndërhyrjeve serioze të Presidentit të Republikës në drejtësi, shton ajo, në të cilën nuk ka çfarë të kërkojë, me përjashtim të faljeve të mundshme.
“Prokurori i Shtetit dhe Këshilli i Lartë i Prokurorëve janë të obliguar që ta paralajmërojnë publikisht, sepse kjo deklaratë është bërë edhe në hapësirë publike, e që nuk është dashur ta bëjë dhe as ta përsërisë në të ardhmen. Prokurori publik kompetent nuk guxon të veprojë sipas udhëzimeve të presidentit, as në aspektin e procedurës, as në aspektin e kualifikimit të veprës penale, as në lidhje me rrethanat ‘lehtësuese'” – thotë Vesna Rakiq Vodineliq.
Jam e bindur, thekson më tej ajo, se askush nuk do ta qortojë dhe se organet kompetente do ta intervistojnë.
“Këshillat e tij, faktikisht, por në mënyrë të kundërligjshme, në institucionet e humbura gjyqësore kanë rëndësinë e udhëzimeve të detyrueshme arbitrare dhe ai nuk është i autorizuar ta bëjë një gjë të tillë. Aleksandar Vuçiq ka dhënë ‘udhëzime’ të ngjashme prokurorëve në lidhje me vrasjen e Slavko Çuruvis në vitin 2014, kur ai ishte i ashtuquajturi zëvendëskryeministër i parë. Përfundoi me aktgjykim shfajësues” – përfundon bashkëbiseduesja e Danas.
Në një emision në RTS, dy ditë më parë, Vuçiq përsëriti se fajin e kishte ai për Banjskën.
“Unë jam fajtor, si të doni… Më lejoni t’ju shpjegoj se çfarë ndodhi në nëntor dhe dhjetor… Çfarë ndodhi më pas… Thjesht nuk ia vlen. Jo, nuk jam i lumtur, jam lutur një milion herë… A do të isha në anën e atyre që kryen vrasje të gjakftohta pas kësaj? Jo, unë do të jem gjithmonë në anën e serbëve që u përndjekjen si bisha dhe këtu nuk ka ndonjë filozofi të madhe”, ka thënë ndër të tjera Vuçiq. /Danas/KP/
Lufta Prigozhin - Putin
Më shumëNga Rubrika
Parcelë me kanabis në mes të pyllit, arrestohen tre vëllezërit në Durrës
Sela: NATO do të ketë kujdes me Maqedoninë, derisa Stoillkoviqi pro-rus është pjesë e Qeverisë
Policia jep detaje për aksidentin në Prishtinë, ku një person humbi jetën dhe 14 tjerë u lënduan
Vrasja e Oliver Ivanoviqit – dënohen me 20 vjet e gjashtë muaj burgim katër të akuzuarit
Anulimi i festivalit “Mirëdita, dobar dan”, Kurti: Në vend të artistëve, Serbia ia dha fjalën huliganëve
Mitsotakis, KE-së: Presidentja dhe kryeministri në RMV por shkelin Marrëveshjen e Prespës
Arrestimi i dy shqiptarëve dhe një serbi për spiunazh, analizë e institutit “Octopus” dhe të dhëna për raste tjera
Oficerë të FSK-së, diplomojnë në Akademinë Ushtarake kroate
Qeveria e Kosovës pritet të marrë vendim për ndalimin e përdorimit të TikTok-ut në institucionet publike
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
"Isha absolutisht i vdekur" - fjalët e Jude Bellingham pas ndeshjes me Sllovninë shqetësojnë fansat anglez
Spiuni serb i arrestuar në Mitrovicë, ishte agjent rezident i BIA-s, filmoi fshehurazi KFOR-in e policinë – u zbulua nga AKI
Në "Debat Plus", publikohet audio-incizimi mes Bedri Shabanit dhe Bogolub Janiceviqit, përgjegjës për masakrën e Reçakut
Fisi ku jetojnë gratë e bukura me fatin e vështirë: Burrat ua kanë bllokuar hundët për një arsye tronditëse
Si të shmangni kafshimin e gjarprit? Thjesht bëni këtë dhe helmuesi do të ikë me shpejtësi
Dëshmia në Gjykatë: Si i kishin detyruar policët serbë shqiptarët që t’i varrosin civilët e vrarë gjatë luftës në Istog