Kush do ta zëvendësojë Navalnyn si opozitar dhe kritik të Putinit

Një politikan i shquar rus, i cili gjendet në mërgim, i ka thënë BBC-së se “përpjekjet e Alexei Navalny nuk do të shkojnë huq” – por ai mendon se njerëzit që mund të sfidojnë presidentin rus, Vladimir Putin nuk do të jenë figura të “opozitës tradicionale”.

Ilya Ponomarev, ish-deputet rus që tani jeton në Ukrainë, tha se që nga fillimi i pushtimit rus në Ukrainë në muajin shkurt të vitit 2022, kërcënim për Kremlinin kanë qenë “njerëzit që në të vërtetë luftojnë”.

Lexo po ashtu Navalny për herë të fundit u pa i gjallë gjatë ditës së djeshme - shfaqen pamjet ku shihet duke buzëqeshur dhe u tallur me gjyqtarët

Ai veçoi Legjionin e Lirisë së Rusisë me bazë në Ukrainë – grup paraushtarak që ka realizuar një numër aksionesh sabotuese në Rusi; dhe gjithashtu atë që ai e përshkroi si një “lëvizje rezistence urbane” aktive në të gjithë Rusinë.

“Kjo është një opozitë ruse e gjeneratës së re”, tha Ponomarev, duke shtuar se së shpejti do të kthehet në Rusi “me një tank ose një automjet të blinduar”, raporton bbc.

Lexo po ashtu Vdiq në burg, por kush ishte opozitari rus Alexei Navalny

Ponomarev u bëri thirrje politikanëve në Perëndim që të kuptojnë “se kjo luftë mund të përfundojë vetëm në një mënyrë: me largimin e Putinit nga zyra dhe shkatërrimin e ‘Putinizmit’ si një version modern i ‘fashizmit'”.

Ndryshe, Alexei Navalny ka vdekur gjatë ditës së djeshme në një qeli në Arktik, ku po vuante disa dënime. /Telegrafi/