Duke marrë parasysh se këshillohet të hahen sa më shumë fruta dhe perime, shkencëtarët po testojnë metoda të ndryshme kultivimi në hapësirë, në mënyrë që astronautët ose udhëtarët komercialë të mund të ushqehen sa më shumë që të jetë e mundur.
Por, një studim i ri sugjeron se “sallata e hapësirës”, sado ushqyese të jetë, mund të përbëjë një rrezik për astronautët. Problemi është se me rritjen e bimëve me gjethe si marule dhe spinaq në mikrogravitet vjen edhe një “pjatë” e veçantë me baktere.
Gjegjësisht, sipas testeve të kryera në Universitetin e Delaware, bimët e rritura në mikrogravitet të simuluar ishin shumë më të ndjeshme ndaj patogjenit Salmonella enterica. Në Stacionin Ndërkombëtar të Hapësirës (ISS) ka shumë baktere dhe kërpudha agresive dhe nëse ato nxisin zhvillimin e sëmundjeve të ndryshme, astronautët në ISS do të ishin në rrezik.
“Askush nuk dëshiron që i gjithë misioni të dështojë për shkak të ndonjë sëmundje të shkaktuar nga ushqimi”, tha biologu Harsh Bais nga Universiteti i Delaware. Bais dhe kolegët e tij simuluan kushtet e mikrogravitetit në laborator dhe më pas shtuan bakteret S. enterica në gjethet e marules.
Ata u befasuan që poret e vogla (stoma) në marule u përhapën. Stomatat zakonisht përdoren për të parandaluar pushtimin e patogjenëve, ndërsa në të njëjtën kohë ndihmojnë bimën të “marrë frymë”, shkruan sciencealert.
Shkencëtarët më pas shtuan një lloj bakterie të dobishme për sallatën, e cila normalisht mbron bimët nga streset e jashtme, por mbrojtja ishte ende joefektive. Mikrograviteti duket se çaktivizon reaksionet kimike me të cilat marulja siguron mbrojtjen e saj.
“Nuk e prisnim që stoma (poret) të mbetej e hapur kur e ekspozonim bimën ndaj stresit. E bëmë në mënyrë që marulja të mos dinte se çfarë kishte lart dhe çfarë kishte poshtë saj, domethënë studionim reagimin e saj ndaj gravitetit”, tha biologu, Noah Totsline.
Megjithëse studimet e mëparshme kanë treguar se marulja e hapësirës është e sigurt për t’u ngrënë dhe po aq ushqyese sa ajo e rritur në Tokë, ky studim i ri sugjeron se mund të ketë probleme në luftimin e patogjenëve.
Duke marrë parasysh që bakteret hapësinore mund të jenë krijesa mjaft të këqija (është treguar se gjatë mikrogravitetit, disa prej tyre mund të ndryshojnë përgjithmonë dhe të shumohen më shpejt), kjo paraqet një pengesë të caktuar që duhet punuar.
“Ne duhet të zvogëlojmë rreziqet për ata që qëndrojnë në Stacionin Ndërkombëtar të Hapësirës dhe për ata që do të vijnë atje në të ardhmen. Është e rëndësishme të kuptojmë më mirë se si patogjenët reagojnë ndaj mikrogravitetit, në mënyrë që të mund të gjejmë zgjidhje për problemet e mundshme sa më shpejt të jetë e mundur”, thotë mikrobiologia Kali Kniel. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Zhvillime dramatike në Rusi – Putini propozon zëvendësimin e ministrit të Mbrojtjes, aleatit Sergei Shoigu
Rusia ka humbur mbi 8,000 trupa dhe gati 80 tanke në një javë – thotë Kievi
Pacienti që kishte për herë të parë transplantin e veshkës së derrit vdes dy muaj pas operacionit
Zhvillime dramatike në Rusi - Putini propozon zëvendësimin e ministrit të Mbrojtjes, aleatit Sergei Shoigu
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
"Moment jashtëzakonisht i rrezikshëm": Kryediplomati britanik flet për situatën në rajonin e Kharkiv të Ukrainës
Momenti i shembjes së ndërtesës në Belgorod të Rusisë
Rusia ka humbur mbi 8,000 trupa dhe gati 80 tanke në një javë – thotë Kievi
Komandanti i ushtrisë ukrainase: Situata në rajonin e Kharkivit është rënduar ndjeshëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron