Episodi i katërt i “Ne” sjell fitoren e Myzaferes dhe shumë humor

Seriali komik “Ne” ka publikuar episodin e tij të katërt, duke vazhduar të argëtojë publikun me situata të sikletshme dhe momente komike që i ndodhin personazheve të tij të dashur.

Kësaj radhe, fokusi është te Myzaferja, e cila po përgatitet për një moment të rëndësishëm në karrierën e saj politike, por atë e presin disa ngatërresa të pashmangshme.

Mimoza, e njohur për “mençurinë” e saj pak të çuditshme, arrin sërish të bëjë përplot gabime gjatë përgatitjes së fjalimit të Myzaferes.

Megjithatë, falë ndërhyrjeve në kohën e duhur nga gratë tjera të zyrës: Xheni, Feride dhe Bakshishe, situata merr një kthesë të papritur.

Pas një seri skenash humoristike dhe intrigash të pazgjidhura deri në momentet e fundit, Myzaferja arrin të mbledhë ndarjet dhe të korrigjojë gabimet, duke fituar kështu mandatin e saj si deputete.

Kjo ngjarje shënon një pikë kulmore në rrugëtimin e saj dhe sjell gëzim të madh në grupin e grave që e kanë mbështetur pa rezerva.

Nga keqkuptimet e pafundme tek situatat komike, ky episod vazhdoi të ofrojë një arratisje argëtuese nga e përditshmja dhe të konfirmojë rolin e serialit si një nga favoritët e publikut. /Telegrafi/