Krstiq për largimin e billbordeve: Serbët ende po jetojnë në ëndrra, s’po e pranojnë realitetin

Gazetari serb Branislav Krstiq ka folur për largimin e billbordeve në veri të Mitrovicës të cilat janë vendosur në Zveçan.

Krstiq në emsionin “Politiko”, është shprehur poshtu se nuk ndjen asnjë llojë ndjesie gjatë momentit të rrëzimit të billbordeve, tutje ai ka thënë se serbët ende po jetojnë në ëndrra dhe nuk po e pranojnë realitetin.

“Është normal që shtetasit e Serbisë ende po jetojnë në ëndrra dhe nuk janë duke pranuar realitetin e shtetit të Kosovës”, ka thënë ai.

Deklarimi i tij erdhi pasi ministri i Punëve të Brendshme, Xhelal Sveçla, ka njoftuar se këtë të enjte në Zveçan janë larguar billbordet ilegale me simbole dhe imazhe të diktatorëve e agresorëve serbë.

Lexo po ashtu Sveçla: Sot janë larguar billbordet ilegale me simbole dhe imazhe të diktatorëve e agresorëve serbë në Zveçan

Teksa ka njoftuar për rastin, Sveçla ka thënë se simboli i vetëm i Serbisë brenda shtetit të Kosovës do të jetë ambasada e saj në Prishtinë.

Ai tutje ka thënë se Republika e Kosovës është e përcaktuar qartë për vlerat demokratike dhe orientimin euro-atlantik të saj ndërkaq si institucione mbesim të përkushtuar për rend e ligj dhe zbatim të kushtetushmërisë në çdo pjesë të vendit tonë.