Një “nëndetëse” me kokainë në vlerë rreth 27 milionë dollarë kapet në Kolumbi

Një “nëndetëse” që mbante pothuajse 800 kg kokainë është kapur nga Marina Kolumbiane.

Sipas mediave të huaja, përcjell Telegrafi, anija e gjatë 15 metra, e para që u zbulua këtë vit, u kap në ujërat kolumbiane.

Marina vlerësoi se malli brenda saj ishte me vlerë 27 milionë dollarë dhe tha se “nëndetësja” besohej të ishte në rrugën e saj për në SHBA ose Evropë.

Ndërkohë bëhet e ditur se tre personat që ndodheshin në mjetin lundrues janë arrestuar.

#LoUltimo ?la @armadacolombia realizó interdicción de un semisumergible que transportaba 7️⃣9️⃣5️⃣ kilogramos de
clorhidrato de cocaína en el Pacífico centro.

Este sería el primer artefacto ilegal incautado en el año ✅ pic.twitter.com/E63vJmL2DY

— Fuerza Naval del Pacífico (@FNP_ArmadaCol) January 21, 2024

Detaje të mëtejshme për të dyshuarit ende nuk janë bërë të ditura.

Ky lloj i transportit thuhet se është një mënyrë popullore për të transportuar drogë pasi mund të kalojnë kryesisht të pazbuluara dhe mund të zhyten pas dorëzimit.

Ndryshe, Kolumbia është prodhuesi më i madh në botë i kokainës.

Në vitin 2023, Marina Kolumbiane kapi 30 ton drogë dhe më shumë se pesë ton marihuanë. /Telegrafi/