Edona i drejtohet kamerës dhe i dërgon një mesazh babait: Ndale televizorin, mos më shiko më

Gjatë një bisede të thellë Lumbardhin, Edona James ka ndarë disa prej ndjenjave më personale për prindërit e saj.

Duke u shprehur në mënyrë të hapur, Edona ka shpalosur ndjenjat e saj drejt të ëmës dhe ka artikuluar edhe mungesën e dashurisë nga figura mashkullore.

E ndjeshme dhe e qetë, Edona ka ndarë se nuk ka ndonjë interes të takohet me babain e saj, pasi sipas saj, ai nuk ka qenë i pranishëm ose nuk i ka ofruar dashurinë që ajo kishte nevojë gjatë rritjes së saj.

Emocionet dhe zhgënjimi ndaj babait të saj u bënë edhe më të qarta kur Edona rrëfeu se ai nuk i kishte dhënë dashurinë e duhur si prind.

Momenti më theksues i bisedës erdhi kur Edona, në një akt të guximshëm dhe ndër të tjera, iu drejtua kamerës, duke iu përcjellë një mesazh të drejtpërdrejtë babait të saj.

“Nëse më sheh, ndale televizorin mos më shiko më”, është shprehur Edona. Kjo deklaratë tregon thellësinë e dhimbjes dhe vendosmërinë për të mbyllur një kapitull që ka influencuar pjesën e saj të jetës.

Historia e Edonës përndryshe ka qenë më e veçanta në këtë edicion të Big Brother VIP Kosova, pasi ajo ka rrëfyer sfidat, paragjykimet dhe vështirësitë që ka pasur drejt transformimit të saj nga mashkull në femër. /Telegrafi/