Bota do të bëhet me trilionerin e parë brenda një dekade

Bota mund ta ketë trilionerin e saj të parë brenda një dekade, tha të hënën organizata kundër varfërisë Oxfam International.

Organizata e tha këtë në vlerësimin e saj vjetor të pabarazive globale në kohën e mbledhjes së elitave politike dhe të biznesit në vendpushimin zviceran të skive në Davos, transmeton Telegrafi.

Oxfam për vite me radhë është përpjekur të nxjerrë në pah pabarazitë në rritje midis super të pasurve dhe pjesës më të madhe të popullsisë globale.

Organizata tha se pasuritë e pesë njerëzve më të pasur, Elon Muskut, Bernard Arnault, Jeff Bezosit e Larry Ellisonit dhe e Warren Buffettit ishin rritur me 114 për qind në terma që nga viti 2020, kur bota po përballej me pandeminë.

Drejtori ekzekutiv i përkohshëm i Oxfam tha se raporti tregoi se bota po hyn në një “dekadë ndarjeje”.

“Ne kemi pesë miliarderët më të mirë, ata kanë dyfishuar pasurinë e tyre. Nga ana tjetër, pothuajse 5 miliardë njerëz janë bërë më të varfër”, tha Amitabh Behar në një intervistë në Davos, Zvicër, ku takimi vjetor i forumit mbahet këtë javë.

“Shumë shpejt, Oxfam parashikon që ne do të kemi një trilioner brenda një dekade”, deklaroi Behar.