Navalny paraqitet për herë të parë në gjykatë pas transferimit në burgun e Arktikut

Kritiku i burgosur i Kremlinit, Alexei Navalny është paraqitur në gjykatë përmes një video-lidhje për herë të parë që kur u transferua në një koloni burgu të sigurisë maksimale në Arktik të Rusisë.

“Një lot më rrjedh në faqe. Jam shumë i lumtur që ju shoh të gjithëve”, tha Navalny nga një qeli e burgut.

Aktivisti i burgosur paditi administratën e burgut në rajonin Vladimir të Rusisë qendrore, ku ai ishte mbajtur për mashtrim përpara se të transferohej në koloninë e burgut Arktik, duke e akuzuar atë për dënime disiplinore të paligjshme.

Lexo po ashtu Navalny në 'qelinë e ndëshkimit' në një burg të Arktikut

Seancat dëgjimore fillimisht ishin planifikuar për në fillim të dhjetorit, kur aleatët e Navalnyt dhanë alarmin për zhdukjen e pashpjegueshme dhe shqetësimet për sigurinë e tij, raporton themoscowtimes.

Avokatët e Navalnyt thanë në fund të muajit të kaluar se më në fund e kishin gjetur atë në koloninë e largët, në fshatin e distriktit autonom Yamal-Nenets të Kharp, me nofkën “Ujku Polar”.

⚡️ Navalny was shown for the first time via video link from the special regime prison in the settlement of Kharp in Yamal, Russia

The Kovrov city court held a hearing on the politician's lawsuit for illegal placement in a solitary confinement cell. pic.twitter.com/FVx2QC12BJ

— NEXTA (@nexta_tv) January 10, 2024

Ai më vonë përcolli një mesazh për mbështetësit në rrjetet sociale, duke thënë se kishte kaluar një transferim të vështirë 20-ditor në Kharp.

Navalny argumentoi në gjykatë të mërkurën se administrata e burgut të rajonit Vladimir e vendosi atë në mënyrë të paligjshme në izolim në një kohë kur ai ishte duke u gjykuar për “ekstremizëm”, duke shtuar se ai duhej të ishte transferuar në paraburgim, sipas Mediazona.

Aktivisti 47-vjeçar kundër korrupsionit dhe mbështetësit e hodhën poshtë dënimin prej 19-vjetëve për “ekstremizëm” si të motivuar politikisht.

Lexo po ashtu Si u gjet Navalny në burgun e ashpër ku u dërgua?

Gjykata e rajonit të Vladimirit hodhi poshtë padinë e Navalnyt kundër administratës së burgut.

Midis argumenteve, Navalny vuri në dukje se kushtet e jetesës në burgun IK-3 në Kharp ishin “më të mira se në IK-6 në Vladimir”.

Ai gjithashtu bëri shaka për administratën e IK-6 që organizoi një “festë lakuriq” pas transferimit të tij, sipas Mediazona, e cila raportoi se avokati i administratës së burgut qeshi në përgjigje.

Seanca e radhës gjyqësore e Navalnyt mbi çështjen e dështimit të burgut për t’ia dorëzuar atij letrat e dërguara nga familja dhe mbështetësit është caktuar për 2 shkurt. /Telegrafi/

▶️ #Russie – Navalny réapparaît après 3 mois d’isolement : “Cet homme est prêt à mourir pour son pays et pour la démocratie, c’est remarquable. Mais il est possible que Navalny ne ressorte jamais vivant de cet enfermement.”@ilasserre#24hPujadas #LCI #La26 ⤵️ pic.twitter.com/0XI2GVUAxH

— 24h Pujadas (@24hPujadas) January 10, 2024