Ish-deputetja e Kuvendit të Kosovës dhe ish-ambasadorja e Kosovës në Itali, Alma Lama e ka quajtur të padijshme deputeten e LVV-së Jeta Statovci për shkak se kjo e fundit i kishte dhënë merita Gani Jakupit për njohjen e pasaportave të Kosovës nga Spanja.
“Më vjen keq për të, po është tërësisht e padijshme. Kjo më duket është kryetarja e Komisionit për Punë të Jashtme, apo jo?”
“Po është tërësisht e padijshme dhe e dyta kërkon të manipulojë. E padijshme, sepse jo Gani Jakupi, por çfarëdolloj personaliteti, nuk mund të bëjë asgjë për sa i përket politikës lobuese në Spanjë, ata kanë një qëndrim goxha të prerë në raport me zyrtarët e Kosovës ata nuk ju flasin. Ky është qëndrimi i vërtetë i Spanjës”, ka deklaruar Lama në RTV Dukagjini.
Ajo më tej ka shpjeguar raportet e Kosovës me Spanjën dhe vendimin e kësaj të fundit për të mos njohur pavarësinë e Kosovës.
“Politika spanjolle vazhdon të jetë e tillë dhe nuk lidhet me ndonjë lobist që e kanë për të justifikuar pagat, është për keqardhje në çfarë niveli bien institucionet e Kosovës. Në politikën e Spanjës karshi njohjes së Kosovës nuk ka mundur ta ndikojë as fuqia numër një në botë që janë Shtetet e Bashkuara të Amerikës. Ka informacione që ka pasur kërkesa të fuqishme dhe të drejtpërdrejta për njohje edhe para procesit të shpalljes së pavarësisë, por sidomos edhe pas vendimit të Gjykatës Ndërkombëtare të Drejtësisë që ishte një moment ku Spanja mund të ndryshonte qëndrimin, u mendua ashtu, por realisht nuk ndodhi ashtu. Spanja ishte nga ato vende që e kundërshtoi fuqishëm”.
“Kështu që, siç e thashë, janë zhvillime të fuqishme të brendshme në Spanjë që kushdo që i njeh sadopak, domethënë e kupton pastaj se sa qesharake janë këto deklarata që vijnë nga zyrtarët e partisë në pushtet. Çështja e pasaportave, e njohjes së pasaportave është një vendim tërësisht teknik. Vetë Ministria e Punëve të Jashtme e kishte sqaruar që s’ka të bëjë fare me njohjen e Kosovës, sigurisht që është lajm i mirë për qytetarët e Kosovës. Po mbi gjitha lajmi i mirë është që mund të udhëtojë në Evropë, tani me Spanjën apo pa Spanjën, pak rëndësi ka”, ka shtuar Lama.
Pas kësaj deklarate ka reaguar në Facebook deputetja Jeta Statovci.
Ajo ka akuzuar Lamën se ka tregtuar votën në kohën që ishte deputete.
“Mbase shoqja Ambasadore beson se dija d.m.th. sa e shkathtë je me e bo pazar dinjitetin, besimin e përbetimet me votën e deputetes për presidentët. Nuk është se e ka tregtuar keq votën, gjykuar sipas sjelljeve plot krekosje të saj në pozitën e Ambasadores. Por sa keq qe e kanë pas tradhtuar në pazar kur kanë pas shkarkuar dhe e lanë pa kredibilitet e pa pozitë”, ka shkruar Statovci.
“Të shkëlqen përjetësisht dija mbi tregtinë shoqja Ambasadore. Më fal, shoqja ish-Ambasadore”, ka shkruar tutje Statovci./Telegrafi/
Promo
Reklamo këtuLufta Prigozhin - Putin
Më shumëShkarkohet kryetari i sindikatës së Policisë së Kosovës
Thaçit i shkojnë për vizitë në Hagë prindërit e tij
Ambasadori italian: Letra e Gërvalles e pa vlefshme, propozimi i BE-së të dërgohet në Kushtetuese
Takimi Kurti-Allen, kryeministri shpreh shqetësimin për kërcënimet nga Serbia dhe lënien në liri të Radoiçiqit
Arratiset Enver Sekiraqa, policia ka informuar të gjitha vendkalimet kufitare
Nënsekretarja amerikane pas takimit me Kurtin: Kosova i takon BE-së dhe NATO-s
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare