Ç’kuptim ka 31/12/2023 sipas numerologjisë

Numerologjia është një praktikë që u jep kuptim shifrave dhe kombinimeve të veçanta

Dita e fundit e vitit, 31 dhjetori 2023 është veçanërisht intriguese, për disa arsye.

Hidhini një sy shifrave brenda datës. Kur shkruhet në stilin amerikan, data kthehet në 12/31/23 ose, 123123.

Çfarë do të thotë 123123?

Për të kuptuar këtë seri shifrash, le të zbërthejmë se çfarë do të thotë secila shifër në numerologji, shkruan Today.

1- është i lidhur me fillimet e reja. 2 – ka të bëjë me harmoninë, ekuilibrin dhe dashurinë. 3 – përfaqëson kreativitetin dhe vetë-shprehjen.

Kur këto tre numra kombinohen, ato krijojnë një forcë të fuqishme për të bërë ndryshime pozitive në jetën tonë.

A është 123123 një numër engjëlli?

Numri 123123 mund të konsiderohet një numër engjëlli. Numrat e engjëjve janë numra të njëpasnjëshëm, si 111 ose 222, dhe mendohet se janë mesazhe nga engjëjt mbrojtës ose udhërrëfyes shpirtërorë. Mendoni për to si shenja që ju jeni në rrugën e duhur, ose se nuk jeni vetëm në udhëtimin tuaj.

Pse ka rëndësi që 123123 bie në ditën e fundit të vitit?

Kjo datë bie në natën e Vitit të Ri, një datë e lidhur me marrjen e vendimeve dhe ndryshimet e pritshme për vitin tjetër. Duke pasur parasysh rëndësinë numerologjike, fryma e fillimeve të reja do të jetë edhe më e fuqishme.

Një koincidencë e tillë numrash nuk do të ndodhë më për njëqind vjet, ndaj çfarëdo që po krijohet tani është potencialisht e madhe, citon Anabel.

Cila është numerologjia e vitit 2024?

Numri 2024 është një tetë, nëse përkthehet në numerologji. Tetë, sepse nëse shifrat brenda 2024-ës mblidhen shkojnë deri në numrin tetë dhe ky është numër i fuqishëm që lidhet me ndërtimin, projektet e reja, fuqizimin etj. /Telegrafi/