OBSH-ja prezantoi të dhëna të detajuara për gjendjen katastrofike shëndetësore në Gaza

Organizata Botërore e Shëndetësisë (OBSH) ka ndarë shifra që tregojnë se një sëmundje që përhapet ka kapluar Gazën si rezultat i zhvendosjes masive dhe mungesës së qasjes në kujdesin apo furnizimet efektive mjekësore.

Drejtori i Përgjithshëm, Tedros Adhanom Ghebreyesus tha se ai dhe kolegët e tij “janë shumë të shqetësuar për kërcënimin në rritje të sëmundjeve infektive”.

OBSH tha se nga mesi i tetorit deri në mes të dhjetorit, vëzhgoi pothuajse 180 mijë njerëz që vuanin nga infeksionet e traktit të sipërm respirator, 136,400 raste të diarresë, gjysma e tyre ishin fëmijë nën moshën pesë vjeçare, raporton cnn.

Lexo po ashtu Pamje dramatike - ushtria izraelite hodhi në erë një rrjet tuneli në Gaza, shkatërruan edhe një strehë të liderit të Hamasit

Përveç kësaj, OBSH regjistroi 55 mijՃ raste me morra dhe zgjebe, 5,330 raste të lisë së dhenve, 42,700 raste të skuqjes së lëkurës.

Pothuajse pesë mijë njerëz vuajnë nga sindroma akute e verdhëzës, si dhe janë regjistruar 126 raste të meningjitit.

OBSH dhe agjenci të tjera thanë se shumë spitale, veçanërisht në Gazën veriore, ishin mbyllur për shkak të mbipopullimit, mungesës së furnizimeve e stafit dhe operacioneve ushtarake izraelite. /Telegrafi/