“Një dhe i vetmi” – Ylli i NBA, Giannis Antetokounmpo zbulon zgjedhjen e tij midis Ronaldos dhe Messit në debatin për ‘GOAT’

Superylli i NBA, Giannis Antetokounmpo i është bashkuar debatit të gjatë të futbollit për më të mirin në histori, mes Cristiano Ronaldos dhe Lionel Messit që konkurrojnë për atë titull.

Giannis, i cili vjen nga Greqia, është një tifoz i madh i futbollit dhe nuk i është shmangur asnjëherë mbështetjes së tij për legjendën portugeze, Ronaldo – duke shkuar deri në imitimin e festimit të golit të tij të famshëm ‘Siuuu’.

Me këtë në mendje, është pak befasi të zbulosh se ai e konsideron ish-sulmuesin e Manchester United dhe Real Madrid si lojtarin më të mirë të të gjitha kohërave.

Lexo po ashtu “Nuk ka qenë kurrë një debat”, Carragher shkakton zemërim me qëndrimin ndaj debatit Messi-Ronaldo

“Ju keni lojtarë të pabesueshëm. Luis Figo, Nani dhe Deco, të cilët po rriteshin, ishin disa nga lojtarët e mi të preferuar. Por në fund duhet të shkosh me GOAT, të vetmin Cristiano Ronaldo. Çdo sport që ai do të luante, ai ndoshta do të ishte i mirë në të”, ka thënë fillimisht Giannis.

“Ai është shumë konkurrues. Mund të luaj në një nivel kaq të lartë në moshën 37-38 vjeç. Është shumë shumë mbresëlënëse”, përfundoi basketbollisti i njohur,

CR7, i cili nuk po tregon asnjë shenjë ngadalësimi te skuadra e Arabisë Saudite, Al-Nassr, ka shënuar 50 gola për klubin dhe kombëtaren në vitin 2023 dhe do të rreshtohet kundër rivalit të përjetshëm Messi kur ekipi i tij të përballet me ekipin e MLS, Inter Miami, në një takim miqësor në Kupën e Riadit më 1 shkurt 2024. /Telegrafi/