Pochettino tregon arysen pse Nkunku u la në bankën rezervë ndaj Sheffield United

Trajneri i Chelseat, Mauricio Pochettino ka treguar arsyen pse Christopher Nkunku u la në bankën rezervë në fitoren ndaj Sheffield Unitedit.

51-vjeçari ka thënë se ai nuk dëshiroi që të rrezikonte ish-sulmuesin e Leipzigut në ndeshjen ndaj Sheffieldit në “Stamford Bridge”, pasi lojtari sapo është kthyer nga një lëndim i rëndë që kishte pësuar më herët gjatë sezonit.

“Ne nuk deshëm që të ndërrmarim ndonjë rrezik me të dhe vendosëm që t’i japim më shumë kohë që të rikuperohet”, kishte thënë fillimisht Pochettino.

Lexo po ashtu “Ky ekip do të ketë sukses dhe unë nuk jam i çmendur!”, Pochettino i bindur në Chelsean e tij

Nkunku iu bashkua Chelseat këtë verë në një marrëveshje prej 52 milionë eurosh, por ende nuk ka debutuar në Ligën Premier me ekipin londinez, për shkak të një lëndimi në gju gjatë parasezonit.

Në një intervistë para ndeshjes me Sheffieldin, Pochettino pati paralajmëruar se lojtari mund të përfshihet në këtë sfidë, sidoqoftë ai nuk mori minuta në fushë.

“Është një motivim i madh për ne, për bashkëlojtarët e tij dhe për tifozët, që të shohin një lojtar që duhet të jetë i rëndësishëm për ne, që të jetë pjesë e ekipit për herë të parë”, vazhdoi Pochettino.

Lexo po ashtu Chelsea kthehet te fitoret, fiton në shtëpi ndaj Sheffield United

“Është një lajm shumë i mirë për ne dhe është koha që të jemi të qetë sepse ne nuk duam që të ushtrojmë presion mbi të”, përfundoi ai.

Tekniku argjentinas dhe ekipi i tij tani do të përballen me një seri ndeshjesh të vështira ndaj Neëcastle, Wolves, Crystal Palace dhe Luton Town, ku shpresojnë të vazhdojnë me rezultate pozitive./Telegrafi/