Apple Watch Series 9 – një “vlerësim i fundit” për të

Apple së fundmi prezantoi gjeneratën e ardhshme të Watch Series 9.

Edhe pse ky llogaritet përditësimi më i vogël që Apple ka lëshuar ndonjëherë, edhe ky model vjen me disa specifika të reja dhe më të avancuara.

Apple Watch 9, është në dispozicion në dy madhësi, 41 mm dhe 45 mm, dhe në dy modele, alumin dhe çelik. Mund të zgjidhni edhe midis aftësive GPS ose GPS +Esim, përcjell Telegrafi.

Ekrani i saj është pothuajse pa korniza, dhe është i mbuluar me një xham pak të lakuar.

Altoparlanti i orës gjendet në anën e majtë, butoni anësor në anën e djathtë.

Ndryshe, ora inteligjente më e avancuar në botë, është e papërshkueshme nga uji dhe pluhuri.

Watch 9 ka mbështetje edhe për Wi-Fi, Bluetooth, GPS, si dhe opsionin 4G LTE përmes eSIM.

Gjithashtu lejon “Double Tap” apo Prekja e Dyfishtë.

Prekja e dyfishtë ju lejon të luani/ndaloni muzikën, të ndalni alarmet, të lëvizni nëpër aplikacione dhe të pranoni ose jo telefonatat.

Tastiera e saj është e disponueshme vetëm në disa gjuhë, si anglisht, gjermanisht, spanjisht, holandisht dhe frëngjisht.

Përditësimi më i madh i S9, është se lejon që kërkesat e Siri-t të përpunohen në pajisje, duke i dhënë qasje në të gjitha të dhënat shëndetësore.

Sa i përket sensorëve, Apple Watch ka shumë nga ta, ku përfshihen sensori elektrik i zemrës me EKG, sensori optik i rrahjeve të zemrës, gjurmimi i gjumit, sensori i temperaturës, busulla, lartësimatësi dhe drita.

Watch 9 karikohet shpejt, për 15 minuta mbushet rreth 50 për qind e baterisë së saj, ndërsa mbushja e plotë kërkon 50-60 minuta.

Ajo pretendohet se ofron 18 orë jetëgjatësi të baterisë gjatë ditës dhe është ndërtuar me vëmendjen më të madhe ndaj detajeve dhe llogaritet si ora më inteligjente në botë. /Telegrafi/