Turistët nga Kosova festojnë në Durrës 28 Nëntorin

Durrësi po shihet si një destinacion i preferuar për të kaluar festat e nëntorit.

Një interes i veçantë po shfaqet nga vizitorët e Kosovës për periudhën e festave.

Sipas të dhënave nga operatorët turistikë lokalë, strukturat akomoduese në Durrës raportojnë një nivel të lartë të rezervimeve, ku hotelet tashmë kanë arritur të mbushin rreth 80% të kapacitetit të tyre.

Një pjesë të konsiderueshme të rezervimeve i përshkruajnë turistët e huaj, që tregojnë interes të madh për të eksploruar bukuritë e qytetit të Durrësit.

Megjithatë, edhe tregu i brendshëm ka treguar një kërkesë të lartë, veçanërisht nga qytetarët e Kosovës, të cilët janë një nga grupet më të mëdha që zgjedhin të kalojnë festat atje.

Hotelet nuk kanë lënë asgjë pas dore në përgatitjet e tyre për të mirëpritur vizitorët.

Ata kanë planifikuar menu të pasura festive dhe kanë përshtatur programet e tyre të argëtimit për t’u përshtatur me atmosferën e festave, duke përfshirë muzikë live dhe aktivitete të tjera që synojnë të krijojnë një përvojë të këndshme për qëndrimin e tyre.

Interesi për Durrësin nuk është i kufizuar vetëm në nëntor.

Operatorët turistikë vënë në dukje se ka një prirje pozitive të rezervimeve edhe për festat e fundvitit.

Kjo tendencë është e qartë jo vetëm nga turistët vendas, por edhe nga sasia në rritje e të huajve që dëshirojnë të përjetojnë hospitalitetin dhe festivitetet që ofron ky qytet bregdetar edhe gjatë periudhës së Krishtlindjeve dhe Vitit të Ri.