Kristian Kabashi është një inovator financiar i cili tani është duke shkruar kapitullin e radhës së karrierës së tij në Kosovë dhe Zvicër.
Si themelues i Numarics, Kabashi synon të ‘rikrijojë’ financat dhe kontabilitetin nëpërmjet zhvillimeve të fundit teknologjike, duke përdorur inteligjencën artificiale.
Kabashi nga kompania Numarics është duke u bërë një figurë e rëndësishme për bashkëpunimin ndërmjet inovacionit financiar dhe potencialit të tregut shqiptar, ndërkaq Numarics është një ‘startup’, që po ndryshon mënyrën se si bizneset menaxhojnë financat e tyre.
“Numarics është një Fin-Tek. Vetë kam qenë në një kompani dhe pozita jem ka qenë ‘Executive Director Global Business Transformation’. Domethënë, njerëzit gjithmonë kanë ardhur te unë me një problem, e unë e kam transformu biznesin… Para tre vjet e gjysmë jam bashku me partnerin tim zviceran, është Dominique Rey dhe e kemi kriju këtë kompaninë Numarics. Ai është i fushës së financave, unë jam i fushës së transformimit të teknologjisë edhe rritjes së biznesit…”, tregoi ai lidhur me rrugëtimin e tij.
Ai tregoi po ashtu se kompania që ai drejton ka fituar disa çmime, transmeton Telegrafi.
“Prej krejt kontabilistëve që janë në Zvicër, jemi shpallë tash numër dy prej Bilancas. Bilanca është revista më e njohur këtu për punë edhe jemi top 10 ‘Fin Tech’ në Evropë, jemi top pesë ‘Fin Tech’ këtu në Zvicër”, tha ai.
“Na kemi transformuar biznesin në mënyrën që kemi përdorë inteligjencën artificiale dhe e kemi bashku me fushën dhe dijen e specialistëve. Shumica e punëtorëve tonë janë zviceran.
Ju të gjithë e keni dëgju emrin Chat GPT. Edhe po, inteligjenca artificiale ekziston shumë më shumë, po tash ka hi në ‘mainstream inteligjenca artificiale’… Ne me të vërtetë jemi tu përdorë inteligjencën artificiale brenda në sistemit tonë”, tha ai.
Po ashtu, ai tregon se përdorimi i inteligjencës artificiale brenda një platforme të caktuar të biznesit ofron një qasje më të përshtatshme për menaxhimin e të dhënave financiare, përmes një aplikacioni të thjeshtë dhe të përshtatshëm mobil ose desktop.
Po si e përdorin? Kabashi tregon se e kanë krijuar një ‘Biznes Operating Platform’.
“E kemi kriju një aplikacion, në telefon, është edhe në kompjuter dhe mund ta përdorni… çdo klient që e kemi ka qasje prej aplikacionit, qasje me komuniku me ekspertët tonë, po edhe të gjitha informatat që janë mbrapa, informatat financiare i përpunojmë ne me inteligjencë artificiale…
Nuk jam absolutisht një person i financave. Jam munduar të krijojë një produkt siç e kish prodhu, për shembull, Apple, sepse nuk ka asnjë send që është më bajat se biznes administrimi”, tha ai.
Drejtuesi i Numarics po ashtu ka treguar për bashkëpunimin që kanë në Evropë me UBS, ndërkaq ka treguar se derisa kompania po rritet ka zgjeruar ekipin e tij jashtë kufijve të Zvicrës, duke hapur edhe dy zyra në Kosovë.
Ai po ashtu ka treguar se rrugëtimi i tij në Zvicër nuk ka qenë i lehtë në fillimet e punës, prandaj edhe kishte shkuar në Amerikë, për tu rikthyer sërish në Zvicër, por që sipas tij, tashmë ka ndryshuar pozitivisht perceptimi ndaj shqiptarëve.
“…Unë e dua shumë vendin tim se gjithë punëtorët e Zvicrës si unë shqiptar i kam pru këtu me vete. Ju e dini vetë, unë kam ardhur këtu si gjerman kur kam ardhur këtu në Zvicër, jam ardh në 2006. E flas gjermanishten dhe jam shqiptar.
Kur më pyetnin nga je iu thosha Deutsche dhe Albania, bash dy sene që zviceranët nuk kanë pasur qef me i pa. Ka qenë shumë e vështirë për mua atëherë dhe është edhe arsyeja pse jam shku në Amerikë, sepse Zvicra ka qenë shumë raciste atëherë.
Pasi jam kthyer prej Amerikës këtu ka ndryshuar shumë, edhe shqiptarët edhe qasja e zviceranëve ndaj neve shqiptarëve… Faleminderit Xhaka!… Këtë kompani Numarics nuk kisha mundur me arrit para 10 vjetëve”, tha ai.
Ndryshe, Numarics, është një kompani që merret me punën operative në krijimin e bizneseve të reja ose administrimin e këtyre bizneseve. Ka mbledhur një fond prej 10.2 milionë eurosh për teknologjinë e saj të automatizuar të kontabilitetit dhe administrimit për bizneset.
Kjo kompani me 3,500 klientë në Zvicër është bashkë-themeluar nga shqiptari, Kristian Kabashi.
Promo
Reklamo këtuLufta Prigozhin - Putin
Më shumëPolicia e Shtetit publikon pamje se si 32-vjeçari në Durrës ua mori dy shtetasve varëset nga qafa, vihet në pranga
Kurti: Lojërat Olimpike 2024 po sjellin botën në Paris, Macroni na bëri bashkë liderët e botës demokratike
Rreziqet në Kosovë, ato të sigurisë dhe nga radikalët islamistë - çfarë thuhet në raportin hulumtues të Institutit për Siguri dhe Rezilience?
“Koha e Kurtit në të pame, homazhe e takime”, zëdhënësi i Qeverisë i reagon Demit
Zgjedhjet e rregullta parlamentare, Cakolli tregon se kur mund të mbahen ato
Rama vazhdon me publikimin e videove nga plazhet: Pamje nga Himara, Borshi, Jala e Dhërmiu – ku gjen pushues nga e gjithë bota
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Koci jep detajet e fundit për rastin e Faton Hajrizit: Çdo informacion po e marr me rezervë të madhe
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Sondazhi i New York Times - kush po udhëheq, Harris apo Trump
"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
E nisi me humbje të thellë me Juventusin, këto janë fjalët e Thiago Mottas
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë