Ish-legjenda e Bayernit me fjalë të mëdha për Kane, thotë se ai do ta thyejë rekordin e Lewandowskit

Ylli i Bayern Munich, Harry Kane është mbështetur për të thyer rekordin e Robert Lewandowskit për më së shumti gola në një sezon të Bundesligës, vetëm në rast se pëson ndonjë lëndim që e lë jashtë fushave.

Kane shënoi golin e tij të 16-të dhe të 17-të të sezonit në Bundesliga, në një fitore me rezultat 4-2 ndaj Heidenheim të shtunën, për të vendosur një rekord të ri në ligë për më së shumti gola të shënuar pas 11 ndeshjeve, duke thyer rekordin e Lewandowskit prej 11 golave në 2019.

Reprezentuesi polak, i cili u largua nga Bayerni për në Barcelonë në vitin 2022, mban rekordin e më së shumti golave ​​në një sezon në Bundesliga me 41 gola të shënuar, rekord të cilin e arriti në sezonin 2020-21.

Harry Kane's already scored more goals than last season's Bundesliga top goalscorer… it's November 🤯 pic.twitter.com/bewjfLwHtO

— GOAL (@goal) November 11, 2023

Tani, ish-legjenda e Bayernit, Lothar Matthaus, beson se sulmuesi anglez do të tejkalojë “padyshim” numrat e Lewandowskit duke thënë se kjo mund të mos ndodhë vetëm në rast se Kane pëson ndonjë lëndim të rëndë.

“Tani do të bëja një parashikim. Nëse Kane nuk do të ketë një lëndim të madh, atëherë ai patjetër do të thyejë rekordin e Robert Lewandowskit”, ka thënë Matthaus për Sky Sports Germany.

Kane ka shënuar 21 gola në 16 ndeshje për Bayernin në të gjitha garat këtë sezon. Ata aktualisht janë në krye të Bundesligës, megjithëse Bayer Leverkusen mund t’i kapërcejë ata nëse mposhtin Union Berlin të dielën.

Lexo po ashtu Bayern Munich fiton ‘dramën’ e gjashtë golave në “Allianz Stadium”, Kane vazhdon me formë fantastike

30-vjeçari iu bashkua gjigantëve gjermanë për të fituar trofe dhe me formën e tij të mirë të shënimit, ai ka një shans të mirë për të thyer rekordin që dikur e kishte vendosur Lewandowski, gjatë kohës sa luante në Gjermani./Telegrafi/