A mund të ndikojnë flokët e ndotur në shfaqjen e akneve? Parukierja e njerëzve të famshëm zbulon të vërtetën

Mit apo fakt?

Shfaqja e akneve në fytyrë, sado e vogël qoftë, nuk është kurrë një gjë e këndshme.

Nëse përdorni rregullisht produktet e duhura kozmetike dhe zbatoni një rutinë të kujdesit të lëkurës së fytyrës, mendoni nëse, ndoshta, flokët tuaj mund të shkaktojnë puçrra?

Ekspertët thonë se po, mund të shkaktojnë puçrra.

Portali “Mane Addicts” ka biseduar me parukieren e famshme Lisa Zogalis, nga Los-Angeles, lidhur me flokët e ndotura dhe shfaqjen e akneve, kurse ne ju sjellim të plotë artikullin e tyre, transmeton Telegrafi.

– Dalja e akneve për shkak të flokëve të pista nuk është një mit, mund të jetë pa dyshim shkaku kryesor. Flokët e yndyrshme, grumbullimi i produkteve të flokëve në këllëf të jastëkut, ndotja nga faktorët e jashtëm dhe temperatura – të gjitha këto janë shkaktarët – thotë Lisa.

Njerëzit me flokë të gjatë mund të kenë edhe gunga në shpinë, ndërsa ata me balluke mund të kenë gunga në ballë.

Lexo po ashtu Si të shpëtoni nga aknet? Provoni këto mjete të shkëlqyera natyrore

Zogalis këshillon që nëse përdorni shumë produkte stili, lidhni flokët para se të shkoni në shtrat dhe t’i mbështillni me një shall ose fjongo. Kjo do të ndihmojë në parandalimin e ndotjes së këllëfit të jastëkut, e cila mund të jetë një shkak i drejtpërdrejtë i akneve, dhe nëse mundeni, blini një këllëf jastëku mëndafshi.

Lëkura e kokës (poret) mund të bllokohet nga grumbullimi i produkteve të flokëve, gjë që mund të shkaktojë puçrra dhe puçrra në skalpin tuaj. Përpara se të hidheni në dush, merrni një furçë dhe butësisht “thyeni” mbetjet në lëkurën e kokës duke e larë. /Telegrafi/