Honda zbulon V8 e saj të parë – është për një varkë

Gjiganti japonez i veturave Honda ka zbuluar motorin e tij të parë V8 – por që nuk do të hyjë në një veturë sportive së shpejti.

Është një motor detar i projektuar për anije.

I quajtur BF350, motori V8 me benzinë 5.0 litra vlerësohet në një shifër maksimale të fuqisë prej 356 kuaj fuqi – me benzinë.

BF350 vjen gjithashtu me sistemin VTEC (Variable Valve Timing & Lift Electronic Control) i Honda-s, i cili është në dispozicion në veturat e saj rrugore që nga viti 1989, raporton Drive, përcjell Telegrafi.

Vërehet gjithashtu se BF350 përdor një sistem BLAST.

Megjithëse qëllimi përfundimtar është i ngjashëm me VTEC, Honda Marine pretendon se sistemi BLAST përparon kohën e ndezjes dhe detyron sistemin e menaxhimit të motorit të japë një përzierje “më të fuqishme” ajër në karburant.

Ky sistem BLAST thuhet se lejon anijen të arrijë shpejtësinë e planifikuar (kur rrëshqet mbi ujë) më shpejt.

Honda bën të ditur se BF350 synohet të përdoret në anije me gjatësi prej 7 metrave dhe me gjatësi edhe më të mëdha.

BF350 disponohet gjithashtu me një sistem imobilizues i cili kërkon një çelës transponder në distancë për të ndezur motorin.

Honda Marine thotë se çmimi dhe disponueshmëria për BF350 do të publikohet në fillim të vitit 2024 /Telegrafi/