Kylie Jenner poston në mbështetje të Izraelit, por pas reagimit të fansave e fshin postimin

Kylie Jenner postoi dhe më pas fshiu një postim në InstaStory në Instagram që tregonte mbështetjen e saj për Izraelin – pas reagimit të disa prej fansave të saj.

Influencuesja, 26 vjeçe, shkoi në rrjetet e saj sociale me imazhin e flamurit të Izraelit me tekstin, “Tani dhe gjithmonë, ne qëndrojmë me popullin e Izraelit!”.

Imazhi që ajo rindau ishte nga organizata jofitimprurëse StandWithUs – një organ që deklaron se mbështet Izraelin dhe kundërshton antisemitizmin.

Në Twitter, një video që dukej se ishte me komente në postimin e Jenner, shfaqi shumë përdorues që përgjigjen se mbështesin një Palestinë të lirë.

Izraeli nisi sulme hakmarrëse kundër Hamasit pasi grupi militant nisi një seri sulmesh të shtunën, në përshkallëzimin më të madh në rajon në dekada.

Sipas zyrtarëve palestinezë, sulmet ajrore izraelite kanë vrarë të paktën 313 njerëz në Rripin e Gazës, me gati 2000 të plagosur.

Lexo po ashtu Të gjitha lajmet nga Kylie Jenner

Të dielën në mëngjes, Izraeli ishte ende duke luftuar kundër inkursioneve të Hamasit në tetë vende, tha ushtria izraelite.

Luftëtarët e Hamasit filluan sulmin e tyre në agim të së shtunës me një breshëri të madhe raketash në jug të Izraelit, duke i dhënë mbulesë një infiltrimi të paprecedentë, të shumëfishtë të luftëtarëve në Izrael nga Gaza. /Telegrafi/