Sot ka filluar turneu kualifikues për Evropianin “Suedia 2024”, ku Kosova është nikoqire e Grupit B1 në Ligën B.
Ndeshja hapëse ishte ndërmjet Gjeorgjisë dhe Maqedonisë së Veriut, e cila u zhvillua në stadiumin “Zahir Pajaziti” në Podujevë e që përfundoi me rezultat 0:5 në favor të fqinjëve tanë.
Kosova luajti në terminin e dytë në stadiumin “Fadil Vokrri”. Përballja e parë e Dardaneve të reja në këtë turne ishte kundër Armenisë. Të dyja ekipet u angazhuan maksimalisht në fushë por ndeshja përfundoi pa gola. Kosova krijoi raste gjatë gjithë kohës por nuk arriti t’i konkretizojë, madje duke qëlluar edhe tërthorësen e portës mysafire, ndryshe nga Armenia e cila pati vetëm një goditje drejt portës.
Përzgjedhësja e Kosovës U17 Sanije Krasniqi pas takimit tha se dominuan gjatë gjithë kohës lojën, por Armenia arriti të mbrohet mirë.
“Ishte një lojë e vështirë, kundërshtari nuk ka qenë shumë i fortë, por është mbrojtur me 11 futbolliste. Ne nuk i shfrytëzuam rastet tona dhe kur nuk i shfrytëzon këto raste është rezultat real, ndonëse ne ishim favorit në këtë takim. Gjatë gjithë kohës dominuam patëm shumë raste edhe një traverzë po ashtu”, tha Krasniqi.
Ndeshjet e radhës zhvillohen të premten. Kosova luan kundër Gjeorgjisë në “Zahir Pajaziti” nga ora 12:00, ndërsa në “Fadil Vokrri” Maqedonia e Veriut e pret Armeninë, ndeshja zhvillohet në ora 15:00.
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251