Kordalov: Duhet përfshirje më e madhe e të rinjve në krijimin e politikave publike

Nevoja për përfshirje më të madhe e të rinjve në proceset vendimmarrëse në të gjitha nivelet e qeverisjes, si dhe në krijimin e politikave publike, ishin disa nga temat që u diskutuan në debatin e sotëm të Institutit për qeverisje të mirë dhe perspektiva euroatlantike (IDUEP) me titull “Të rinjtë janë në BE” si pjesë e iniciativës “Rruga e eurointegrimit të Maqedonisë – Ndërtimi i partneriteteve dhe ndërmarrja e përvojave pozitive”.

Komunikuesi dhe kryetari i IDUEP-it, Bojan Kordalov thotë se ky është i dyti nga një sërë aktivitetesh që kanë bërë në drejtim të përfshirjes së të rinjve për të qenë pjesë e proceseve dhe për të folur se pse na duhet Bashkimi Evropian, nga njëra anë, por në të njëjtën kohë për të motivuar institucionet. Është shumë e rëndësishme që partitë politike të jenë të bashkuara për rininë, ishte vendimtar Kordalov.

“Në kontinuitet shtatë muajt e fundit me vizita pune në Bruksel, Bashkimi Evropian dhe Instituti, së bashku me partnerët dhe mbështetësit e tij atje, tashmë janë duke punuar në aktivitete specifike që nënkuptojnë një perspektivë për të rinjtë në BE, por jo vetëm për emigrim, gjegjësisht ndërrimi i shtetësisë, por mbi te gjitha për te fituar eksperiencat e veta, ku do vendosin dhe duan ta rikthejnë ne vend dhe ta aplikojne”, tha Kordalov dhe shtoi se anketat tregojnë se motivimi tek të rinjtë që duan të kthehen prapa është shqetësuese, gjegjësisht është e vogël përqindja e atyre që duan të kthehen prapa.

Instituti, thotë Kordalov, i jep iniciativa të tilla Sekretariatit për Çështje Evropiane dhe Ministrisë së Mbrojtjes, në pjesën e BE-së dhe NATO-s, dhe synon të inkurajojë, pra të japë një kontribut konkret për anëtarësimin në BE. Ai vuri në dukje institucionet si më përgjegjëse për interesin e dobët të të rinjve për t’u rikthyer prapa, por sigurisht ai theksoi se sektori civil dhe ekspertët duhet të japin kontributin e tyre në ruajtjen e interesit të të rinjve për të qëndruar në vend dhe për t’u përfshirë në proceset e krijimit të politikave publike.

“Shpresoj të kuptojmë që të rinjtë që do të shkojnë për të punuar në Bruksel, për të fituar përvojë, të përfaqësosh Maqedoninë atje, është shumë ndryshe, sesa të duash me çdo kusht të largohesh dhe të mos duash të kthehesh, sepse lëvizshmëria është e nevojshme”, theksoi kryetari i Institutit për qeverisje të mirë dhe perspektiva euroatlantike, Bojan Kordalov.